ZAKHARIA 9:10 - Sura' Madatu

¹⁰ Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.

ZAKHARIA 9:10 Referans Kwoze

HOSEA 2:18

Sia la Kupotumaiko tontong sae lakona, la Kupotumaiko tete dio kamaloloan sia unnola salunna, tete dio kamasokanan sia kamamasean.

HOSEA 1:7

Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

MIKHA 5:4

Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

YESAYA 60:12

Belanna iatu bangsa sia kadatuan noka mengkanorong lako kalemu, la sabu’ sia iatu bangsa iato manassa la dimangsanni.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

2 KORINTUS 5:20

Iamoto kidadi pesuanNa Kristus sia kiissan, kumua Naposumbungan pudukkan Puang Matua ma’pakilala; angki ma’kada dio Kristus umpalakui kumua: Sangapaoi upa’ ammi dipasikaelo Puang Matua!

2 KORINTUS 5:18

Apa mintu’na tu iannato lu dio nasang mai Puang Matua, tu mangka umpasikaeloki’ Kalena tete dio Kristus sia umpa’kamasean toean kasikaeloan lako kaleki.

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

HAGAI 2:22

Pokadanni Zerubabel, to maraya Yehuda, kumua: La Kupatigega’ tu langi’ sia lino.

YESAYA 11:10

Allo ia dukato anna iatu taruk uaka’na Isai la tulangdan napobate-bate mintu’ bangsa sia la napengkaa’i mintu’ to sangpetayanan; sia iatu inan nanii mari’pi la mala’bi’.

PA’PUDIAN 72:17

Sangapaoi anna tontong sae lakona tu sanganna, ondongpi, ke den siapi tu allo, la maupa’ tu sanganna. Tete dio kalena anna marudindin tu mintu’ bangsa, sia la nasanga kumua rongko’ ia.

PA’PUDIAN 72:3

Sangapaoi anna mintu’ buntu, sia tanete duka umpabu’tu kamarampasan lako tau iato diona kamaloloan.

PA’TOLE 11:24

Mintu’ inan tu milesemo la mipoapa; dio mai padang pangallaran sae lako Libanon, dio mai salu, iamotu salu Efrat, sae lako tasik rampe matampu’, la nanii tu angge lili’mi.

1 DATU 4:21

Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

PA’PUDIAN 85:8

Pakitammokan kamasokanamMi, o PUANG, sia benkanni tu kasalamaran lu dio mai Kalemi.

YESAYA 2:4

Sia Ia la umpaolai salunna tu mai mintu’ bangsa sia urra’ta’ kara-karana mintu’ bangsa kapua; tau iato mai la’bo’na nagaraga tengko bassi, sia iatu dokena nagaraga sae’; iatu mai bangsa tang la umbua’mo la’bo’na la unnea bangsa senga’ sia tae’mo anna la melada’ tu tau parari.

MIKHA 4:8

Na iatu iko, e Migdal-Eder, e Ofelna anak dara Sion, la nareke’moko sia narampoiko kaparentan dolo, iamotu kadatuanna anak dara Yerusalem.

PA’PUDIAN 89:26

La Kupaalai limanna tu tasik, sia lima kananna tu mai minanga.

HOSEA 2:20

Sia la dadi attu iato, kumua la Kuperangii, kadanNa PUANG, la Kuperangii tu langi’, anna perangii langi’ tu lino.

MIKHA 5:9

La dadi allo iato, kadanNa PUANG, kumua la Kupisanni tu mintu’ darangmu dio mai kalemu sia la Kusanggangi tu mintu’ karetamu.