ZAKHARIA 8:23 - Sura' Madatu

²³ Inde sia tu kadanNa PUANGna mintu’ ma’dandan maritik Nakua: Allo ia dukato la sangpulo tu tau dio mai mintu’ bangsa ma’rupa-rupa basana la untoe, ondongpi la natoe tongan tu tampak bayu lamba’na to Yahudi, anna ma’kada nakua: La moraikanni undi unturu’komi, belanna kirangimo, kumua Narondongkomi Puang Matua.

ZAKHARIA 8:23 Referans Kwoze

YESAYA 60:3

Mintu’ bangsa la umpengkara’pai arrangmu sia mintu’ datu umpengkara’pai kamarorrongan bu’tu dio kalemu.

YESAYA 55:5

Misa’ bangsa tang mutandai la mutambai sia iatu bangsa tang untandaiko la sae lako kalemu belanna pa’poraianNa PUANG, Kapenombammu, sia belanna pa’poraianNa To maserona to Israel, saba’ Napakala’bi’ko.

1 KORINTUS 14:25

naurunganni sombo tu diongna penaanna, nasusito tukkumi umpenombai Puang Matua sia nakatonganni kumua, manassa den Puang Matua misisolan.

YESAYA 45:14

Nakua kadanNa PUANG: Iatu bunga rangka’na to Mesir, sia balukanna to Etiopia – to Syeba, to kalando kapua, la sae lako kalemu ammu potaui; la undiko narundu’ tau iato mai; tau iato mai la sae situang pungo anna tukku menomba dio tingayomu sia mengkamoya nakua: Kamu mannari tu Narondong Puang Matua tae’ senga’na, tae’ tu Kapenomban senga’.

YESAYA 66:18

Belanna Ku (tandaimo) tu penggauranna sia tangnga’na tu tau iato mai; la rampo (tu attu) dinii umpasipulungi tu mintu’ bangsa sia mintu’ basa; anna tiroi tau iato mai tu kamala’birangKu.

KADADIAN 31:7

Apa napakenana’ ambe’mi, pessangpulo nasondai tu saro ra’ta’ku, apa tae’ anNa tiro-tiroi Puang Matua umpogau’ kadake lako kaleku.

PENGGAURANNA RASULU’ 19:12

naurunganni moi passapunna sia pa’bakkanna tu pura napake Paulus, naban tau to masaki, nasoro’ tu saki dio mai kalena sia mallai tu mintu’ deata masussuk.

YESAYA 4:1

Allo iato pitu baine la ussila’ka’-la’ka’i misa’ muane anna ma’kada nakua: Kandeki siamo kami la kikande, sia pakeangki siamo kami la kipotamangkale, podo ke mukonai dukakan; samboi tu siri’ki!

YESAYA 3:6

Attu iato la den tau lan banuanna ambe’na ulla’ka’i siulu’na, nakua: Denpa iko tamangkalemu, panguluikanni ammu pa’inaanni te tondok daun lauan.

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

AYUB 19:3

Pessangpulomokomi umpamatunana’; tae’ mimasiri’ umpamapa’dik penaangku.

1 OSSORANNA DATU 12:18

Attu iato Narampoimi Penaa tu Amasai, pangulunna tu tau tallungpulo nakua: Taummikan, e Daud; la sisolaki’, o anakna Isai! Lamaupa’komi, la maupa’komi! La maupa’ tu to untunduikomi! Belanna Kapenombammi untunduikomi. Natarimami Daud tu tau iato mai anna angka’i pangulu surodadu.

2 DATU 2:6

Ma’kadami tu Elia lako nakua: Torromoko inde te, belanna Nasuana’ PUANG lako Yordan. Apa mebali nakua: La lelukraka tuoNa PUANG sia tonganna susi tuomi, inang tae’ kula untampekomi. Nasusito tarru’mi male sola duai.

MIKHA 5:5

tu la umpakandei domba tu tondok Asyur sia tondokna Nimrod lan lu babanganna, anna purai pa’dang. Sia la mangrampanan dio mai Asyur, ke saei tu tau iato mai tama tondokta sia iake ullesei lili’ta.

KADADIAN 31:41

Na totemo duangpulomo’ taunna lan banuammi: sangpulo a’pa’na’ taunna ruranan mati’ diona te anakmi da’dua na annan taunna diona dombami sia bembe’mi, anna pessangpulo misondai tu saro ra’ta’ku.

LUKAS 8:44

Saemi dio boko’Na Yesu nakaka’i tu rombe-rombe sambu’Na, nata’pa radan tu rarana.

KADIBILANGAN 14:22

Kumua tae’ misa’ muane, tu mangka untiro kamala’birangKu sia tanda kalle-kallean mangka Kupogau’ lan Mesir sia lan padang pangallaran, sia pessangpuloMo’ nasandak sia tang umperangii kadangKu,

YOSUA 8:35

Dio mai mintu’na kada tu napepasanan Musa, moi sangbuku kada tae’ tu tang nabasa Yosua lako mintu’ kombongan to Israel, sola mintu’ baine sia pia sia to sae tu male sola tau iato mai.

YESAYA 45:24

Iatu diona Aku la nakua tau umpokadaNa’: Dio manna PUANG tu kamaloloan sia kamatotoran; saemo tu mai tau lako, apa la kasirisan tu mintu’ to mare’dek ara’na lako Kalena.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

ZEFANYA 3:19

Manasa attu iato la Kupapakkanni tu mintu’ to umpakario-rioko, apa la Kurampanan tu to gento sia la Kurampun tu to tisambo’, belanna la Kupadadi misa’ kadipudian sia sanga kalelean tu tau iato mai, iamo tu to kaissanan siri’na lan mintu’ lino.

2 OSSORANNA DATU 15:9

Narampunmi tu mintu’ to Yehuda sia to Benyamin sisola mintu’ to mentiruran lan lili’na tau iato mai dio mai Efraim sia Manasye sia Simeon –, belanna buda tu tau dio mai Israel male menta’pa lako, tonna tiromi kumua iatu PUANG, Kapenombanna, urrondongi.

ESTER 8:17

Sia dio duka lu mintu’ propinsi sia kota, umba-umba nii iatu kada sia atoranna datu rampomo, denmi tu kaparannuan sia kasendean sia pa’maruasan sia allo kapua dio lu to Yahudi sia buda tu mai bangsa lan tondok tamamo sangbilangan to Yahudi, belanna narampoimo kamatakuran ungkataku’ to Yahudi.