ZAKHARIA 8:22 - Sura' Madatu

²² Ondongpi, buda to sangpetayanan sia bangsa tarompo’ la sae undaka’ PUANGna mintu’ ma’dandan maritik dio Yerusalem sia umpengkamoyai pa’kamaseanNa PUANG.

ZAKHARIA 8:22 Referans Kwoze

ZAKHARIA 8:21

sia iatu tau lan misa’ kota la male lako misa’nao, nama’kada nakua: Maikomi anta pada male umpengkamoyai pa’kamaseanNa PUANG sia undaka’ PUANGna mintu’ ma’dandan maritik; morai dukana’ male lako.

KADA OMBO’ LAKO RASULU’ YOHANES 21:24

Na mintu’ bangsa la lolang lan arrangna, sia mintu’ datu lan lino la umbaa kamala’biranna tama tondok iato.

KADA OMBO’ LAKO RASULU’ YOHANES 15:4

Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.

YESAYA 25:7

Dao buntu ia duka te la Nanii ullendokanni, tu bungku’ lindo tu urrerung lindona mintu’ sangpetayanan, sia Nanii ulleakan lullung, tu ussamboi mintu’ bangsa.

GALATIA 3:8

Belanna nakita dolomo Sura’ Madatu, kumua tete dio kapatonganan anNa bilang maloloi Puang Matua tu to kapere’, anNa pa’peissanan dolomi tu Kareba-kaparannuan lako Abraham Nakua: Bannang dio kalemu la nanii ungkabu’tui kamauparan tu mintu’ to kapere’.

HAGAI 2:7

Belanna inde sia tu kadanNa PUANGna mintu’ ma’dandan maritik, Nakua: Sattu’mora, tae’mora namasai, angKu patigega’i tu langi’ sia lino, tasik sia karangkeanna.

MIKHA 4:3

Sia Ia la umpaolai salunna tu mintu’ bangsa sia urra’ta’ kara-karana mintu’ to sangpetayanan tarompo’ sae lako tondok mambela. Attu iato iatu pa’dangna la natampa pole’ tengko bassi sia iatu dokena la natampa pole’ pese’bo’, moi misa’ bangsa tae’mo la umbua’ pa’dangna la unnea bangsa senga’ sia tae’mo nala melada’ tu tau iato mai parari.

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

YESAYA 66:23

La dadi kumua, iake bulan ba’ruoi sia ke allo katorroanoi, mintu’ ma’rupa tolino la sae menomba dio oloKu, kadanNa PUANG.

YESAYA 55:5

Misa’ bangsa tang mutandai la mutambai sia iatu bangsa tang untandaiko la sae lako kalemu belanna pa’poraianNa PUANG, Kapenombammu, sia belanna pa’poraianNa To maserona to Israel, saba’ Napakala’bi’ko.

YESAYA 2:2

La dadi undinna, kumua iatu buntu nanii banuanNa PUANG, la bantang ten to buntu malangka’ untongloi mintu’ buntu, anna mintu’ bangsa lolong lako.

YESAYA 2:3

Buda bangsa la ke’de’ male anna ma’kada nakua: Maikomi, anta male langngan buntunNa PUANG, langngan banuanNa Kapenombanna Yakub, anNa ada’iki’ tu diona mintu’ lalanNa, sia anta olai tu mai lalanNa, belanna lan mai Sion la nanii bu’tu sukaran aluk sia kadanna PUANG lan mai Yerusalem.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 49:22

Inde sia tu kadanNa Puangta PUANG, Nakua: La umpakarangNa’ limangKu lako mintu’ bangsa, sia la umpabendanNa’ banderaKu lako mintu’ to sangpetayanan, sia la sae ungkepakki tu mintu’ anakmu muane sia ussompoi tu mai anakmu baine.

PA’PUDIAN 68:30

Belanna diona banuamMi dio Yerusalem, anna pennoloan pamengan lako Kalemi tu mai ba’tu pira-pira datu.

MIKHA 4:2

Sia buda to sangpetayanan la ke’de’ male anna ma’kada nakua: Maikomi anta male langngan buntunNa Puang, langngan banuanNa Kapenombanna Yakub, anNa ada’iki’ diona mintu’ lalanNa sia anta olai tu mai lalanNa, belanna lan mai Sion la nanii bu’tu tu Sukaran aluk sia iatu kadanNa lan mai Yerusalem.

ZAKHARIA 14:16

Mintu’ tu torronapa tu mintu’ bangsa, tu ullaoi Yerusalem, la male, ke taunoi menomba lako olona Datu, iamo tu PUANGna mintu’ ma’dandan maritik, sia la umpakaraya allo kapua pekalumban.