ZAKHARIA 8:21 - Sura' Madatu

²¹ sia iatu tau lan misa’ kota la male lako misa’nao, nama’kada nakua: Maikomi anta pada male umpengkamoyai pa’kamaseanNa PUANG sia undaka’ PUANGna mintu’ ma’dandan maritik; morai dukana’ male lako.

ZAKHARIA 8:21 Referans Kwoze

ZAKHARIA 7:2

Iatu to Betel ussuamo Sarezer sia Regem-Melekh sola tu mai taunna la undaka’ pa’kamaseanNa PUANG,

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

PA’PUDIAN 103:22

Pudimi tu PUANG, e mintu’ panampaNa, Dio lu mintu’ lili’ parentaNa. Pudimi tu PUANG, e sumanga’Ku!

ZAKHARIA 8:22

Ondongpi, buda to sangpetayanan sia bangsa tarompo’ la sae undaka’ PUANGna mintu’ ma’dandan maritik dio Yerusalem sia umpengkamoyai pa’kamaseanNa PUANG.

2 OSSORANNA DATU 11:16

Undinnato dio mai mintu’ suku to Israel ba’tu pira-piramo tau unturu’ to Lewi, tu umpamatu’tunmo penaanna la umpennoloi PUANG, Kapenombanna to Israel, rampomo lako Yerusalem la memala’ lako PUANG, tu Kapenombanna nene’ to dolona.

YESAYA 2:3

Buda bangsa la ke’de’ male anna ma’kada nakua: Maikomi, anta male langngan buntunNa PUANG, langngan banuanNa Kapenombanna Yakub, anNa ada’iki’ tu diona mintu’ lalanNa, sia anta olai tu mai lalanNa, belanna lan mai Sion la nanii bu’tu sukaran aluk sia kadanna PUANG lan mai Yerusalem.

YEREMIA 31:6

Belanna bu’tumo tu allona, ke metambai tu to ma’kampa dao buntu Efraim, nakua: Maikomi, takendek langngan Sion mennolo lako PUANG, Kapenombanta.

YOHANES 1:37

Tonna rangi tinde anak gurunna Yohanes sola duai ma’kada susito, undimi urrundu’ Yesu.