ZAKHARIA 8:11 - Sura' Madatu

¹¹ Apa totemo tae’mo Kususi dolona lako te bangsa torronapa, kadanNa PUANGna mintu’ ma’dandan maritik.

ZAKHARIA 8:11 Referans Kwoze

YESAYA 12:1

Allo iato la ma’kadako mukua: La kupudi-pudikomi, o PUANG, belanna moi amMi sengkeina’, apa meremo tu sengkeMi, Mipakatanamo’.

HAGAI 2:19

Palan penaai tu mintu’ apa dolo na allo iate, iamotu allo ma’penduangpulo nna’pa’ bulan ma’pengkasera, randuk dio mai allo iato, tu dinii unnoton parandangan Banua kabusunganNa PUANG. Palan penaai:

PA’PUDIAN 103:9

Tae’ anNa tontong bang unggagaiki’, sia tae’ Nala tontong bang sengke.

YESAYA 11:13

Attu iato la pa’de kamagallianna Efraim sia iatu to ussussai Yehuda la diroto’i; tae’mo anna la ungkagalli Efraim tu Yehuda sia tae’mo anna la ussussai Yehuda tu Efraim.

HAGAI 2:15

Ma’kadami Hagai nakua: Susimo a’ganna te bangsa iate sia susimo a’ganna te to sangpetayanan iate dio oloKu, kadanNa PUANG, sia susimo a’ganna to tu mintu’ pengkaranganna limanna, sia iatu apa napemalaran inde to dio, maruttak nasang.