ZAKHARIA 8:10 - Sura' Madatu

¹⁰ Belanna dolo dio mai attu iato tae’ naappa’ saro ra’ta’na tu tau, tang me’duk tu patuoanna; tae’ kamanamananna to male sia to sae napobua’ uali; ondong pissan Kuroso tu mintu’ tolino nasipakka.

ZAKHARIA 8:10 Referans Kwoze

AMOS 9:4

Sia iake malei dipali’ tu tau iato mai dio tingayona mintu’ ualinna, manassa la Kusua tu pa’dang inde to dio mai umpatei. Sia Kupatontongi matangKu tu tau iato mai la napokadakena, tangia la napomelona.

AMOS 3:6

Iake dipannonii tu napiri tanduk lan kota, tae’raka nala tiramban tu pa’tondokan? Ma’dinraka tu kota narampoi kamandasan, ke tae’i na PUANG umpasaei?

YESAYA 19:2

Belanna la Kupasisaung tu pada to Mesir, naurunganni sirari siulu’na, sia unnea solana sia kota sirari bali kotana anna lembang sirari bali lembangna.

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

TO PARENGNGE’ 5:11

Umpeolai gamara pangala nanian dio to’ mata uai, melo ke iatu to buda umpenanian penggauran malambu’Na PUANG, penggauran lambu’na pangulunna dio lu to Israel. Attu iato solo’mi tu mintu’ taunNa PUANG lako to’ babangan.

HAGAI 2:15

Ma’kadami Hagai nakua: Susimo a’ganna te bangsa iate sia susimo a’ganna te to sangpetayanan iate dio oloKu, kadanNa PUANG, sia susimo a’ganna to tu mintu’ pengkaranganna limanna, sia iatu apa napemalaran inde to dio, maruttak nasang.