ZAKHARIA 7:5 - Sura' Madatu

⁵ Pokadai lako mintu’ tau lan lu tondok sia lako mintu’ to minaa, kumua: Iammi ma’puasa sia umbating lan bulan ma’pellima sia bulan ma’pempitu lan pitungpulomo taun lendu’na, tonganrokomika ma’puasa belanna Aku?

ZAKHARIA 7:5 Referans Kwoze

ZAKHARIA 1:12

Ma’kadami tu Malaeka’Na PUANG nakua: O PUANGna mintu’ ma’dandan maritik, sangapapaKomi tang ungkamasei tu Yerusalem sia mintu’ kota Yehuda, tu nanii kasengkeamMi pitungpulomo taunna?

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

ZAKHARIA 7:6

Sia iammi kumande sia mangiru’, tae’raka nakamu kalena kumande sia mangiru’?

ZAKHARIA 7:3

sia la mekutana lako tu mai to minaa, tu dio banuanNa PUANGna mintu’ ma’dandan maritik, sia lako mintu’ nabi, nakua: Sipatura’ka la tumangi’ sia ma’puasa lan bulan ma’pellima, susitu kipogau’ ba’tu pirang-pirang taunmo lendu’na?

KOLOSE 3:23

Apa mipogau’, karang tongan-tonganni, susitu lu lakoNa Puang, tangia lu lako tolino,

2 KORINTUS 5:15

Sia mateMo tu belanna mintu’ tau, kumua anna iatu to tuopa, da anna untuoan kalena, sangadinna la untuoanni tu To mangkamo mate sia malimbangun belanna iatu mai tau iato.

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 6:5

Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

MATIUS 6:2

Iamoto, iammu bengan pa’kamasean, da mupa’petendenganni tu iannato dio tingayomu, susitu napogau’ to belo puduk lan banua pa’kombongan sia dio lu lalan, kumua anna tendengi tau. Tonganna tongan Kukua mati’, inang naala dolomo tu poleanna.

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

YEREMIA 25:11

Mintu’ tondok iate la daun lauan sia lo’bang. Mintu’ bangsa iate la napokaunan datu Babel pitungpulo taunna.

2 DATU 25:23

Iatonna rangimi mintu’ kamandang surodadu sisola surodadunna, kumua naangka’mo datu Babel tu Gedalya dadi pangulu, saemi tu tau iato mai lako Gedalya dio Mizpa, iamotu Ismael, anakna Netanya sia Yohanan, anakna Kareah, sia Seraya, anakna Tanhumet, to Netofa, sia Yaazanya, anakna to Maakha, sisola surodadunna.

YESAYA 43:23

Tae’ra mubaanNa’ domba la dipopemala’ pantunu pu’pu’mu sia tae’ra mupakalangka’Na’ pemala’ pangrere’mu tae’ dukara Kupamatana’ko diona kande dipemalaran sia tae’ dukara Kutuntunko diona pantunu dupa.

YESAYA 58:3

Nakua: Ma’apai angki ma’puasa anna tae’ Mitiroi, ma’apai angki urra’takki kaleki natae’ Miissanni? Tonganna iatommi ma’puasa ma’balilikomi ammi masero sia miparuku bang tu mintu’ to sumaromi mengkarang.

YEREMIA 29:10

Belanna nakua kadanNa PUANG: Iatu tonganna, ianna ganna’mo pitungpulo taunna dio Babel, la Kuto’longikomi sia la Kupalalo lako kalemi tu pangallu’ meloKu sia la Kupasulekomi lako inan iate.

YEREMIA 52:12

Iatonna bulan ma’pellima, allo ma’pessangpulo bulan iato, iamotu taun ma’pessangpulo kaseranna kadatuanna Nebukadnezar, datu Babel, saemi lako Yerusalem tu Nebuzaradan, pangulu to ma’kampa, tu mareke’na datu Babel.

DANIEL 9:2

tonna taun pamulanna kadatuanna, iate aku, Daniel, kuparessa tonganmi lan lu ba’tu pira-pira sura’ tu bilangan taun, diona tu napomangka kadanNa PUANG rampo lako nabi Yeremia kumua Puang umpadaun lauanni tu Yerusalem pitung pulo taunna.

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

ZAKHARIA 7:4

Attu iato saemi kadanNa PUANGna mintu’ ma’dandan maritik lako kaleku, Nakua:

2 DATU 25:25

Apa iatonna bulan ma’pempitu saemi tu Ismael, anakna Netanya, anakna Elisama, misa’ bati’ datu sola surodadunna sangpulo; anna patei tu Gedalya sola mintu’ to Yehuda sola to Kasdim, tu nasolan dio Mizpa.