ZAKHARIA 7:12 - Sura' Madatu

¹² Sia napamakarra’ tu penaanna susi intan, kumua da naperangii tu pangadaran sia kada, tu Naparampo PUANGna mintu’ ma’dandan maritik lako kalena tete dio PenaanNa, tu nalopian mintu’ nabi dolo. Iamoto napodenni kasengkean kapuaNa PUANGna mintu’ ma’dandan maritik.

ZAKHARIA 7:12 Referans Kwoze

YEHEZKIEL 11:19

La Kuben misa’ penaa kalebu sia inaa ba’ru lan ba’tengna, na iatu penaa batu la Kualai dio mai kalena, angKu benni penaa duku’;

2 OSSORANNA DATU 36:16

Apa natelle-telleora tau iato mai tu mintu’ pesuanNa Puang Matua sia nabelle’i tu kadanNa sia nabe’se tu nabinNa, naurungan sakendek-kendekna tu kare’dekan ara’Na PUANG, sae lako tae’mo nama’din dipamatana.

PENGGAURANNA RASULU’ 28:27

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule, angKu pamalekei.

YEHEZKIEL 36:26

La Kubenkomi penaa ba’ru sia la Kupatamai sumanga’ ba’ru tu ba’tengmi; na iatu penaa batu la Kualai dio mai kalemi, angKu benkomi penaa duku’.

PA’PUDIAN 50:17

Na mukabiri’ tu peada’, sia mutibe lako boko’mu tu mintu’ kadangKu?

MARKUS 4:12

anna kitai matanna, apa tae’ nakanassai, sia narangi talinganna, apa tae’ naissanni, kumua da’anna ba’tumba pissan namengkatoba’ anna dipa’dei kasalanna.

MATIUS 13:15

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule angKu pamalekei.

YEHEZKIEL 2:4

moi na iatu anakna tau iato mai ma’lindo batu duka sia battuk tu penaanna. Kusuako lako tau iato mai, ammu pokadanni kumua: Inde sia tu kadanNa Puangta PUANG.

YESAYA 6:10

Pabattukki tu penaanna bangsa iate sia patarui tu talinganna, sia pasipi’da’i tu matanna, da napatiro sia da naparangi sia da napaissan, naurungan tae’ anna mengkatoba’ sia tae’ nadipamaleke.

2 PETRUS 1:21

belanna tae’ bangpa pa’nubua’ napabu’tu pa’poraian tolino, sangadinna Natamaipi Penaa Masallo’ tu tau, anna sa’bu’i tu kada lu dio mai Puang Matua.

LUKAS 8:12

Na iatu diona biring lalan, iamoto umperangii, apa undinna saemi deata bulituk unnalai lan mai penaanna tu kada, kumua, natang umpatonganni sia tae’ nakabu’tui kasalamaran.

ZAKHARIA 7:7

Tang susi dukaraka to tu diona mintu’ kadanNa PUANG tu Napa’peissanan nalopian mintu’ nabi dolona, tonna torroipi tau tu Yerusalem sola mintu’ kota untikui sia tonna rapa’pa sia tonna torroipi tau tu padang rampe Lo’na lu sia Padang Merrantena? –

YEREMIA 26:19

Napateiraka Hizkia, datu Yehuda sia mintu’ to Yehuda? Tang mataku’raka tu datu lako PUANG, anna mengkamoya dio oloNa PUANG? Iamoto Namenassan tu PUANG diona tu kamandasan, tu mangka Napokada la Naparampoan tu tau iato mai. Ma’apai anta la umpogau’ kakadakean kapua tu la untumang kaleta?

YEREMIA 17:1

Iatu kasalanna to Yehuda disura’ peoki’ bassi sia dioki’ pena intan lan papan penaanna sia dio mintu’ tanduk inan pemalaranna,

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

YESAYA 48:4

Belanna Kuissan, kumua matoroko sia iatu sokkongmu susi bassi kalebu sia iatu kidemu sangtinti tambaga,

AYUB 9:4

Mindara tu ma’din umbalii Puang, moi anna matumba tu kamatarrusanna sia matumba tu kakapuanna kamatotoranna, anna torro marampa’?

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

YESAYA 46:12

PerangiiNa’, e to matampo penaanna, to toyang dio mai kamaloloan.

YEHEZKIEL 14:5

angKu patiakka’i tu penaanna to Israel, tu umboko’iMo’ sola nasangi sola mintu’ rapang-rapang dipodeatana.

KATASSURAN 7:13

Makarra’mi penaanna tu Firaun, anna tae’ naperangii tu kadanna sola duai, susitu Napokada PUANG.

YESAYA 65:12

Kupamanassakomi la nakande pa’dang sia la umpatukkukomi kalemi la direre’ belanna metambaNa’, apa tae’ mipebalii, ma’kadaNa’, apa tae’ miperangii, sangadinna umpogau’komi apa kadake dio pentiroKu sia miporai tu apa tang naala penaangKu.

YEREMIA 7:20

Iamoto, kadanNa Puangta PUANG, iatu kasengkeangKu sia kare’dekanna ara’Ku la tibarrak indete inan iate, lako tolino sia lako mintu’ olo’-olo’, lako mintu’ garonto’ kayu dio lu padang sia lako mintu’ bura padang; iamoto tu la dukku tang pa’de-pa’de.

YEREMIA 17:23

Apa manoka tu tau iato mai umperangii sia tae’ natananni talinga, sangadinna umpabattuk penaanna sia ungkanoka pangadaran.

YEREMIA 42:21

Belanna kupokadangkomi totemo, apa manokakomi umperangii tu kadanNa PUANG, Kapenombammi, iamotu mintu’ apa Nasuanna’, umparampoangkomi.

ZAKHARIA 1:2

Lendu’ tongan sengkeNa PUANG lako nene’ to dolomi,