ZAKHARIA 6:15 - Sura' Madatu

¹⁵ Iatu to mambela la sae umbangunni tu Banua kabusunganNa PUANG, ammi tandai, kumua PUANGna mintu’ ma’dandan maritik ussuana’ lako kalemi. Iate iannate la dadi, ke miperangii sia mipalan penaai tu kadanNa PUANG, Kapenombammi.

ZAKHARIA 6:15 Referans Kwoze

YESAYA 60:10

Iatu to sae la umbangun pole tembo’mu sia iatu mai datunna tau iato mai la umposara’ko, belanna diona kare’dekangKu angKu pa’dikkimoko, apa diona kamasorokangKu angKu katuru-turuimoko.

ZAKHARIA 3:7

Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

ROMA 16:26

apa totemo te dipapayanmo sia dipa’peissanan lako mintu’ bangsa, situru’ tu parentaNa Kapenomban matontongan, napamanassa sura’na nabi, unnanta’i lako kapengkaolan kapatonganan,

PENGGAURANNA RASULU’ 2:39

Belanna kamu napatu tu pangallu’ iato sia anakmi sia mintu’ tu mai to mambela, pira-pira tu la Natambai Puangta, Puang Matua tama.

YESAYA 57:19

Aku umpadenni tu pa’pudi-pudian nagente’ lila: Marampa’, marampa’ tu to mambela sia to mandappi’, kadanNa PUANG; sia la Kupamatana tu tau iato mai.

ZAKHARIA 6:12

sia ma’kadako lako, mukua: Inde sia tu kadanNa PUANGna mintu’ ma’dandan maritik, Nakua: Manassa la den misa’ muane diganti Taruk. Iamo la tuo diong mai inanna sia iamo la umbangunni tu Banua kabusunganNa PUANG.

YEREMIA 7:23

sangadinna pepasan iate Kupokadan tau iato mai, kumua: La miperangii te kadangKu, iake susito iate Aku te KapenombammiNa’ na kamu taungKukomi; la mituru’ tu mintu’ lalan Kupasanangkomi, ammi makarimman.

YESAYA 3:10

Pokadai tu diona to malambu’ kumua la salama’, belanna tau iato mai la untammu bunga rangka’na.

PA’TOLE 30:10

– iammu tananni talinga tu gamaranNa PUANG, Kapenombammu, la ungkaritutui tu pepasanNa sia aluk Napondok, tu disura’ lan sura’ Sukaran aluk iate sia iake mengkatoba’ko lako PUANG, Kapenombammu, situang penaa ponnomu sia kakalebuanna deatammu.

YESAYA 49:12

Iate tau iate mai lu dio mai padang mambela, lu daa mai ulunna salu sia dio mai matampu’, na iatu senga’na to dio mai tondok Sinim.

ZAKHARIA 2:13

Ma’pakappakomi, e mintu’ angge menono’, dio oloNa PUANG belanna ke’de’mo dio mai to’ inan maindanNa.