ZAKHARIA 4:6 - Sura' Madatu

⁶ Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

ZAKHARIA 4:6 Referans Kwoze

PA’PUDIAN 33:16

Misa’ datu tae’ anna umpopatalo kabudanna pa’baraninna, sia misa’ to lalong tae’ anna umpolussu’ katarru’-baranianna.

HOSEA 1:7

Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

2 OSSORANNA DATU 14:11

Meongli’mi tu Asa lako PUANG, Kapenombanna, nakua: O PUANG, tae’ tu misa’ tau saliananna Kamu la untundui to langga’ unnea to matoto’. Tunduikanni, o PUANG, Kapenombangki, belanna sande’kan lako Kalemi sia tete dio sangamMi angki ke’de’ unneai te to pada budanna to. O PUANG, Kamumo tu Kapenombangki, ke ma’dinni da naden misa’ ma’rupa tau ungkullei unneaKomi.

YESAYA 32:15

Sae lako attu ditua’na lako kaleta tu Penaa dao mai inan madaona. Attu iato padang rangke la membali pa’lak lunak sia iatu pa’lak lunak la susi pangala’.

YESAYA 30:1

Upu’ allona tu mai pia pabali-bali, kadanNa PUANG, belanna tau iato mai untampa kasiturusan, apa tang bu’tu lu dio mai Kaleku, sia untanan basse unnea apa bu’tu lan PenaangKu, la untompokki kasalan tu kasalan.

KADIBILANGAN 27:16

Iatu PUANG, Kapenombanna penaanna mintu’ apa tuo, la unnangka’ misa’ muane umpangului tu kasirampunan,

EZRA 5:2

Ke’de’mi tu Zerubabel, anakna Sealtiel, sia Yesua, anakna Yozadak, anna parandukki umbangunni tu banuanNa Puang Matua, tu unnisung lan Yerusalem; na iatu nabinNa Puang Matua untundui tu tau iato sola duai.

1 PETRUS 1:12

Mangkamo dipapayanan tau iato mai, kumua tae’ anna kalena napatu, sangadinna kamuri anna mangka masara’ lan mintu’ passalan, tu totemo te napokadangkomi tu to umpa’peissanan Kareba-kaparannuan lako kalemi tete dio Penaa Masallo’, tu disua dao mai suruga; passalan iamorato napetimbayo malaeka’ la morai naissan.

EFESUS 6:17

Sia tarimai tu songko’ bassi kamakarimmanan sia pa’dang Penaa, iamotu kadanNa Puang Matua.

KADADIAN 41:16

Mebalimi tu Yusuf lako Firaun: Tae’ naaku umpoissanni te, Puang Matua Ia la umpokadai tu la napomelona Firaun.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:47

Sia mintu’ kombongan iate la unnissanni tu diona PUANG umpaden kapataloan tae’ natete dio pa’dang sia doke, sangadinna iatu rari PUANG umpoissanni sia Ia duka la ussorongkomi tama limangki.

1 DATU 19:12

Iatonna tae’mo tu lino’ bu’tumi tu api. Apa tae’ duka tu PUANG lan api iato. Iatonna tae’mo tu api, denmi tu angin mangiri’-iri’ pela’.

EZRA 3:10

Iatonna mangkamo naoton mintu’ pande tu parandangan Banua kabusunganNa PUANG, ke’de’mi dio to’ inanna tu mai to minaa ma’pakean pangka’, sitangke tarompe’na sia mintu’ to Lewi, iamotu bati’na Asaf, sitangke taa’-taa’, la umpudi-pudi PUANG susitu napa’patuduan Daud datu to Israel.

TOMANGADA’ 9:11

Kutiro pole’omi lan naarrang matanna allo, kumua iatu polean disilombai tangia tomalinta’ tongan unnalai, sia iatu kapataloan lan kasirarian tangia to matoto’ tongan unnalai, sia iatu kande tangia tokinaa unnalai, sia iatu kasugiran tangia tomanarang unnalai, sia iatu pa’kamase tangia tounnampui tangnga’ kinaa unnalai, belanna attu sia upa’ urrampoi sola nasangi.

DANIEL 2:34

Iatommi marassan ummanta-mantai, pakalan melolinmi tu misa’ batu tang natumbu limanna tau, anna ruai tu lentek rapang-rapang iato, tu bassi sirau losso’ pitti’, anna nisak-nisakki.

HAGAI 1:1

Iatonna taun ma’penduan kadatuanna Darius, bulan ma’pennannan, allo bunga’na bulan iato, saemi tu kadanNa PUANG nalopian nabi Hagai lako Zerubabel, anakna Sealtiel, to maraya Yehuda, sia lako Yosua, anakna Yozadak, tominaa kapua, nakua:

HAGAI 2:21

Iatonna ma’penduanna saemi kadanNa PUANG lako Hagai tonna allo ma’penduangpulo nna’pa’ bulan iato, Nakua:

ZAKHARIA 6:12

sia ma’kadako lako, mukua: Inde sia tu kadanNa PUANGna mintu’ ma’dandan maritik, Nakua: Manassa la den misa’ muane diganti Taruk. Iamo la tuo diong mai inanna sia iamo la umbangunni tu Banua kabusunganNa PUANG.

EZRA 2:2

tu sae nasolan Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum na Baana. Inde sia tu iaranna mintu’ muane to Israel:

YESAYA 34:16

Paressai tu sura’Na PUANG sia basai; moi misa’ tu mintu’nate tae’ pa’de, sia sikitanan nasang, belanna pudukNa kalena tu mangka ma’kada sia penaanNa tu urrampunni.

YESAYA 59:19

Attu iato la nakataku’ tau tu sanganNa PUANG diong lu kabotoan allo sia la nakabangnga’ tau tu kamala’biranNa lan kabu’tuan kulla’, belanna la sae susito uai saba’ natu’ba’ penaanNa PUANG.