ZAKHARIA 4:14 - Sura' Madatu

¹⁴ Ma’kadami nakua: Iamote tu da’dua to diminnakki, tu bendan dio oloNa Puangna mintu’ lino.

ZAKHARIA 4:14 Referans Kwoze

KADA OMBO’ LAKO RASULU’ YOHANES 11:4

Iamo sangrapang da’dua garonto’ saitun sia da’dua tongkonan palita, tu bendan dio oloNa Puangna lino.

KATASSURAN 40:15

La mubolloi minna’ busarungngu’ tu tau iato susitu ambe’na mangkamo mubolloi, anna karangi tu toean to minaa lako Kaleku; la dadimo tu iannato, kumua iatu kadibolloianna minna’ la dadimo lako kalena tu katominaan tu tontong nasiosso’i.

ZAKHARIA 6:13

Ondongpi Iamo la umbangunni tu Banua kabusunganNa PUANG sia la umpopake kamala’biran sia la unnisung dao isungan kapayunganna butung to ma’parenta dao isungan kapayunganna. Dio kananna la den misa’ to minaa anna iatu kada situru’, tu umpabu’tu kasalamaran naparitangnga sola duai.

MIKHA 4:13

Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

YEREMIA 49:19

Tonganna susi misa’ singa sun lan mai pangala’-ala’ makampunna Yarden, susi dukamoto tu uali ullaoi tu inan matoto’, belanna lan sangpekkappidian matari Kuula’imi tu tau iato mai inde to lan mai. Sia mindara tu dipilei tu Kuangka’ la umparentai? Belanna mindara tu padangKu sia mindara untuntun lalan poissanangKu, sia pangkambi’ umbara tu ungkullei bendan dio oloKu?

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

PA’TOLE 10:8

Attu iato Napamarimbangan PUANG tu suku Lewi, kumua anna bullei tu patti basseNa PUANG, sia tau iato la bendan dio oloNa PUANG la umpengkaolai sia la ma’passakke tete dio sanganNa sae lako allo iate.

KATASSURAN 29:7

Ammu alai tu minna’ dipa’minnakan sia dipa’tokkoan, ammu bolloanni dao ulunna; la susimoko to umminna’i.

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

ZAKHARIA 6:5

Mebalimi tu malaeka’ iato lako kaleku nakua: Iate apa iate tassu’ dio mai inanna sikandappi’ Puangna mintu’ lino, nalulako a’pa’ mata angin dao langi’.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

YESAYA 5:1

Totemo la umpopenanina’ misa’ nanian diona pa’kaboro’ku, gelongna pa’kaboro’ku diona pa’lak anggoro’na. Iatu pa’kaboro’ku den pa’lak anggoro’na dao tanete malompo.

PA’PUDIAN 110:4

Umpalaomo sumpa tu PUANG sia tang la menassan: Ikomo Tominaa tontong sae lakona unturu’ lalanna Melkisedek;

PA’PUDIAN 89:20

Tonna attu iato ma’kadamoKomi lako to masallo’Mi lan patiro mendeata, susite: Mangkamo Kulampakan pa’tunduan tu misa’ lalong, sia Kupamatandemo tu misa’ to dipilei langsa’ lan mai bangsa iato.

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

YOSUA 3:13

Iake mellesemi lan to’ uai Yordan tu pala’ lette’na mintu’ to minaa tu umbulle patti PUANG, Iamo Puangna mintu’ ma’dandan maritik dao kuli’na padang, tipa’duami tu uai Yordan; na iatu uai lolong daa mai ulunna la tadang butung to misa’ panampo.

YOSUA 3:11

Manassa iatu patti basseNa Puangna mintu’ ma’dandan maritik dao kuli’na padang la ullamban Yordan undoloangkomi.

SURA’ KATOMINAAN 8:12

Mangkato nabolloammi tu minna’ pa’tokkoan iato dao ulunna Harun sia natokko la umpamaindanni.

EZRA 5:2

Ke’de’mi tu Zerubabel, anakna Sealtiel, sia Yesua, anakna Yozadak, anna parandukki umbangunni tu banuanNa Puang Matua, tu unnisung lan Yerusalem; na iatu nabinNa Puang Matua untundui tu tau iato sola duai.