ZAKHARIA 4:1 - Sura' Madatu

¹ Sulemi tu malaeka’ kusipa’kadan, anna tundanna’ susito untundan to mamma’.

ZAKHARIA 4:1 Referans Kwoze

ZAKHARIA 1:9

Mekutanana’ kukua: Apara battuananna te mintu’ te, o puangku? Mebalimi tu malaeka’ kusipa’kadan nakua: La kupakitangko tu battuananna te mintu’na te.

DANIEL 8:18

Iatonna marassan ma’kada lako kaleku, limpumo’ sia lumbang rokko padang; apa naremme’na’ anna pabendanna’ sule,

YEREMIA 31:26

Mangkato pana’dingmo’, angku bangunan matangku; na iatu mamma’ku lendu’ ia kupomanamanna.

ZAKHARIA 1:19

Mekutanamo’ lako malaeka’, tu kusipa’kadan, kukua: Apara battuananna te? Ma’kadami lako kaleku nakua: Iamote tu tanduk umpatisambo’ Yehuda sia Israel sia Yerusalem.

LUKAS 9:32

Apa iatu Petrus sia iatu to nasolan tikapipimo, belanna tikkaru’du’ tonganmo; iatonna pana’dingmo, natiromi tu kamala’biranNa sia da’dua tau Nasolan ke’de’.

ZAKHARIA 2:3

Manassa iatonna malemo lako tingayo tu malaeka’ kusipa’kadan, malemi tu misa’ malaeka’ senga’ umpessitammui,

ZAKHARIA 1:13

Nabalimi PUANG kada melo sia kada ma’pakatana tu malaeka’ kusipa’kadan.

ZAKHARIA 4:5

Mebalimi tu malaeka’ kusipa’kadan nakua: Tae’raka mutandai apara battuananna te? Ma’kadamo’ kukua: Tae’ kutandai, puang.