ZAKHARIA 3:7 - Sura' Madatu

⁷ Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

ZAKHARIA 3:7 Referans Kwoze

KADADIAN 26:5

Tu belanna naturu’mo Abraham tu kadangKu sia nakaritutui tu pangalukangku, iamotu pepasanKu sia tu apa Kupondok sia Sukaran alukKu.

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

SURA’ KATOMINAAN 8:35

La torrokomi dio to’ ba’ba Tenda Kasitammuan la allona la bonginna lan to pitung allo, sia la ungkaritutuikomi atoranNa PUANG, da mimate, belanna susimoto tu dipepasanan lako kaleku.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

YOHANES 14:2

Lan banuanNa Ambe’Ku buda inan dinii torro; iake tae’i nasusi to, manassa mangkamo Kupokada lako kalemi; belanna la laoNa’ umpasakkarangkomi inan.

LUKAS 22:30

anta misa’ kao’koran sola ma’talimbungan kumande sia mangiru’ lan ParentaKu sia unnisungi isungan kapayungan umparessai tu sangpulo dua sukunna to Israel.

ZAKHARIA 6:5

Mebalimi tu malaeka’ iato lako kaleku nakua: Iate apa iate tassu’ dio mai inanna sikandappi’ Puangna mintu’ lino, nalulako a’pa’ mata angin dao langi’.

ZAKHARIA 4:14

Ma’kadami nakua: Iamote tu da’dua to diminnakki, tu bendan dio oloNa Puangna mintu’ lino.

YEHEZKIEL 48:11

Iatu taa dipamaindan la napotaa to minaa, bati’na Zadok, tu ungkaritutui kamenomban lako Kaleku, tu tae’ namemboko’, tonna memboko’ tu to Israel sia tae’ nasusi to Lewi memboko’.

1 OSSORANNA DATU 23:32

La untoe pentoeanna dio Tenda Kasitammuan la ungkampai inan maindan sia la umbalii bati’na Harun, siulu’na tau iato mai, diona kamenomban lan banuanNa PUANG.

1 DATU 2:3

Sia pogau’i tu mintu’ Natuntunna PUANG, Kapenombammu: iamotu unturu’ lalanNa sia ungkaritutui mintu’ apa Napondok sia pepasanNa sia atoranNa sia pangadaranNa, susitu mintu’ apa disura’ lan sukaran alukna Musa, ammu palolang marampa’i tu mintu’ apa mupogau’ sia mintu’ apa mukarang.

YEHEZKIEL 44:8

Sia tae’mo na kamu kalena ungkaduttu’i tu apa maindanKu, sangadinna miangka’mo tu to senga’ ussondakomi la untoei tu kamenomban lako Kaleku lan inan maindanKu.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

1 DATU 3:14

Sia iake lolangko unnola lalanKu sia mukaritutui tu mintu’ apa Kupondok sia mintu’ pepasanKu susi kalolanganna Daud, ambe’mu, manassa la Kupamalambe’ tu sunga’mu.

YESAYA 62:9

Sangadinna iatu to megandung, ia dukamo la ungkandei anna umpudi PUANG sia iatu to urrampunni, ia dukamo la unniru’i lan to’ tarampak banua maindanKu.

ZAKHARIA 3:6

Napakilalami Malaeka’Na PUANG tu Yosua, Nakua:

ZAKHARIA 6:15

Iatu to mambela la sae umbangunni tu Banua kabusunganNa PUANG, ammi tandai, kumua PUANGna mintu’ ma’dandan maritik ussuana’ lako kalemi. Iate iannate la dadi, ke miperangii sia mipalan penaai tu kadanNa PUANG, Kapenombammi.