ZAKHARIA 3:4 - Sura' Madatu

⁴ Ma’kadami tu Malaeka’ iato sia nakua lako tu tau iato mai, tu bendan dio oloNa: Lossokanni dio mai kalena tu pakean mariga. Mangkato ma’kadami lako Yosua, Nakua: Kupa’dei tu kakadakeammu dio mai kalemu, angKu pakeiko pakean pa’gauran.

ZAKHARIA 3:4 Referans Kwoze

LUKAS 15:22

Apa nakua tu ambe’na lako kaunanna: Madomi’komi baai mai tu sambu’ me’lok, ammi papakei sia patamanni sissin tu limanna sia paluangi sepatu tu lentekna;

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

KADA OMBO’ LAKO RASULU’ YOHANES 7:14

Kukuami lako kalena: Puangri ia untandai. Nakuami lako kaleku: Iamote tu to tassu’ lan mai kadipakario-rioan sia mangkamo umbasei bayu lamba’na sia nabusai rara Anak domba.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

YESAYA 43:25

Aku, Akumote tu umpa’dei mintu’ kakadakeammu belanna iamo pa’poraiangKu sia tae’mo Kupalanni penaa tu kasalammu.

1 KORINTUS 6:11

Den dukakomi pira pirambongi’ susito, apa mangkamokomi dibasei, sia mangkamokomi dipamasero sia mangkamokomi dibilang masero tete dio sanganNa Puang Yesu sia tete dio PenaanNa Kapenombanta.

ZAKHARIA 3:7

Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

MIKHA 7:18

Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

IBRANI 8:12

Belanna la Kukaturu-turui tu kakelokanna, sia mintu’ tu kasalanna tae’mo angKu palan penaai.

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

ZAKHARIA 3:9

Tonganna iatu batu, tu Kupadio tingayona Yosua – dio misa’ batu iato, nanii pitu mata –, Aku kalena la ussura’i tu sura’na, kadanNa PUANGna mintu’ ma’dandan maritik, sia sangallori la Kunii umputtai tu kakadakeanna tondok iate.

PA’PUDIAN 51:9

Pamaserona’ supa angku masero pindan, baseina’, angku mandu mabusa anna ambun makko.

KOLOSE 3:10

ammi angkaranni tu ba’runna, tu nenne’pa diba’rui landa’ lako kapaissanan unturu’ rupa a’ganNa Puang Matua tu umpadadii.

ROMA 6:23

Belanna iatu napassaroan kasalan iamotu kamatean, apa iatu pa’kamaseanNa Puang Matua, iamotu katuoan sae lakona tete dio Kristus Yesu, Puangta.

ROMA 3:22

iamotu kamaloloanNa Puang Matua tete dio kaumpatonganan Yesu Kristus umpatu sia tang umpasalian rinding mintu’ to ma’patongan; belanna tae’ silaenanna.

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

ZAKHARIA 3:1

Undinnato Napakitammo’ tu Yosua, tominaa kapua, bendan dio olona Malaeka’Na PUANG, anna bendan tu deata bulituk dio sa’de kananna la umparapa’i.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

2 SAMUEL 12:13

Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

KADA OMBO’ LAKO RASULU’ YOHANES 5:11

Kutiromi sia kurangimi tu gamaranna malaeka’ buda ullilingi isungan kapayungan sia mintu’ a’gan kepenaa sia mintu’ penatua; iatu budanna pessanglampa sisanglampa sia massa’bu-sa’bu,

MATIUS 22:11

Tamami tinde datu la untiroi tu to unno’ko’ kumande nakitai tu tau misa’ lan tang umpake pakean pa’maruasan rampanan kapa’.

YEHEZKIEL 42:14

Ianna tamamo inan maindan tu to minaa, tae’mo nama’din sun lan mai lako tarampak dio salian, ke tae’pi nalossokki dolo tu pakeanna, tu napake untoe pentoeanna, belanna apa iato maindan. La nasondai dolo tu pakeanna, namane ma’din urreke’i tu inan nanii to buda.

MIKHA 7:19

Manassa Puang la ungkamasei pole’ki’, sia Iamo la ullullu’i tu mintu’ kakadakeanta. Manassa la Mitibe tu mintu’ kasalangki rokko tasik mandalan.

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

YEREMIA 52:33

Naelorammi datu Babel ussondai tu pakean pa’tarungkuanna, sia kumande dio medana datu lan mintu’ katuoanna.