ZAKHARIA 3:1 - Sura' Madatu

¹ Undinnato Napakitammo’ tu Yosua, tominaa kapua, bendan dio olona Malaeka’Na PUANG, anna bendan tu deata bulituk dio sa’de kananna la umparapa’i.

ZAKHARIA 3:1 Referans Kwoze

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

LUKAS 22:31

Nakuami Puang: E Simon, Simon, lendu’ nakabarinna deata bulituk la unta’piikomi susi barra’,

PA’PUDIAN 109:6

Patulangdanni tu misa’ to tang mekaaluk la umbisarai, sia da’ito anna ke’de’ dio kananna tu misa’ to ma’parapa’.

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

HAGAI 1:1

Iatonna taun ma’penduan kadatuanna Darius, bulan ma’pennannan, allo bunga’na bulan iato, saemi tu kadanNa PUANG nalopian nabi Hagai lako Zerubabel, anakna Sealtiel, to maraya Yehuda, sia lako Yosua, anakna Yozadak, tominaa kapua, nakua:

1 OSSORANNA DATU 21:1

Ke’de’mi tu deata bulituk la umpandasa to Israel, iamoto naa’panmi tu Daud, kumua naia’i tu to Israel.

ZAKHARIA 6:11

Alai tu salaka sia bulaan mugaragai misa’ makota, ammu palangnganni ulunna Yosua, anakna Yozadak, tominaa kapua,

ZAKHARIA 3:8

Ma’perangiko, Yosua, tominaa kapua, la iko la mintu’ solamu tu unno’ko dio tingayomu – belanna iatu tau iato mai iamo muane dipotanda kalle-kallean – tonganna la Kupasae tu taungKu, iamo tu Taruk.

HAGAI 2:4

Mindaparakomi tu dennapa, untiroi tu kamala’biran dolona te banua iate? Umba nakua mitiro totemo? Tae’raka nasusi to apa matuna bang ditiro?

HAGAI 1:12

Attu iato naperangiimi Zerubabel, anakna Sealtiel sia Yosua, anakna Yozadak, tominaa kapua, sia mintu’ to buda, tu torronapa, tu gamaranNa PUANG, Kapenombanna, sia iatu kadanna nabi Hagai, tu Nasua PUANG, Kapenombanna, umparampoi lako tau iato mai, anna mataku’ tu to buda dio olona PUANG.

2 OSSORANNA DATU 29:11

E! anakku, da mitang ungkaritutui tu pentoeammi, belanna Natonno’mokomi PUANG la bendan dio oloNa la umpenombai, sia la dadi taunNa sia memala’ lako Kalena.

KADADIAN 48:16

iato Malaeka’ urrampananna’ dio mai sanda kadake Ia dukamora umpamasakkei sola duai tu pia, anna disa’bu’ tu sangangku dio te tau iate sia sanganna to doloku Abraham sola Ishak, sia anna memba’ka’ kalle-kallean te tau sola duai lan kuli’na padang!

ZAKHARIA 2:3

Manassa iatonna malemo lako tingayo tu malaeka’ kusipa’kadan, malemi tu misa’ malaeka’ senga’ umpessitammui,

ZAKHARIA 1:19

Mekutanamo’ lako malaeka’, tu kusipa’kadan, kukua: Apara battuananna te? Ma’kadami lako kaleku nakua: Iamote tu tanduk umpatisambo’ Yehuda sia Israel sia Yerusalem.

ZAKHARIA 1:13

Nabalimi PUANG kada melo sia kada ma’pakatana tu malaeka’ kusipa’kadan.

ZAKHARIA 1:9

Mekutanana’ kukua: Apara battuananna te mintu’ te, o puangku? Mebalimi tu malaeka’ kusipa’kadan nakua: La kupakitangko tu battuananna te mintu’na te.

YEHEZKIEL 44:15

Apa iatu mintu’ to minaa to Lewi, bati’na Zadok, tu ungkaritutui kamenomban lan inan maindanKu, tonna memboko’ tu to Israel dio mai Kaleku, tau iato mai la urreke’Na’ la umpenombaiNa’ sia bendan dio oloKu lan umpennoloanni lako Kaleku tu lompo sia rara, kadanNa Puangta PUANG.

YEHEZKIEL 44:11

Tau iato mai la mentoe lan inan maindanKu ungkampai babangan banua sia umposara’ banua; sia la untunuan pemala’ ditunu pu’pu’ sia pemala’ pangrere’ tu to buda sia tumaya dio tingayona tau iato mai la untoeanni tu pengkaranganna.

YEREMIA 15:19

Iamoto, nakua kadanNa PUANG; iake mengkatoba’ko, manassa Aku unnangka’ko sule, ammu bendan dio oloKu; sia iake mupokadai tu kebattuananna sia tang ma’kada matampo, manassa la Kuposumbung pudukko. Melo ke tibalikki tu tau iato mai lako kalemu, apa da na iko tibalik lako kalena.

PA’PUDIAN 106:23

Iamoto anNa ma’kada kumua la Nasabu’i nasang – kenna tang Musa to Napilei langsa’ bendanmo manglapa’ dio oloNa Puang, la untampang sengkeNa Puang, da anNa mangsanni tu tau iato mai.

EZRA 5:2

Ke’de’mi tu Zerubabel, anakna Sealtiel, sia Yesua, anakna Yozadak, anna parandukki umbangunni tu banuanNa Puang Matua, tu unnisung lan Yerusalem; na iatu nabinNa Puang Matua untundui tu tau iato sola duai.

1 SAMUEL 6:20

Nakuami tu to Bet-Semes: Mindara umbelai la bendan dio oloNa PUANG, tu kapenomban maindan susite? Namindamora la Nanii tilele dio mai kaleta?

PA’TOLE 18:15

La Napabu’tuangko PUANG, Kapenombammu, tu misa’ nabi dio lu kamu dio mai siulu’mu, susite aku; lako kalena la minii ma’perangi.

PA’TOLE 10:8

Attu iato Napamarimbangan PUANG tu suku Lewi, kumua anna bullei tu patti basseNa PUANG, sia tau iato la bendan dio oloNa PUANG la umpengkaolai sia la ma’passakke tete dio sanganNa sae lako allo iate.

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

EZRA 10:18

Naurunganni dio lu bati’ tominaa tu umpobaine, baine senga’ den diapparan tu anakna Yesua, anakna Yozadak, sia iatu mai siulu’na, iamotu Maaseya, Eliezer, Yarib na Gedalya.

ZAKHARIA 4:14

Ma’kadami nakua: Iamote tu da’dua to diminnakki, tu bendan dio oloNa Puangna mintu’ lino.

EZRA 2:2

tu sae nasolan Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum na Baana. Inde sia tu iaranna mintu’ muane to Israel: