ZAKHARIA 14:5 - Sura' Madatu

⁵ Attu iato la mallaikomi rokko lombok buntungKu, belanna iatu lombokna buntu iato la sumpu sae lako Azal, ondongpi la mallaikomi, susi kamallaiammi dio mai lino’ tonna linona Uzia, datu Yehuda. Sia iatu PUANG, Kapenombangku, la sae sola mintu’ to masero.

ZAKHARIA 14:5 Referans Kwoze

AMOS 1:1

Inde sia tu kadanna Amos, misa’i tu to umpatuo domba dio mai Tekoa, tu natiro diona to Israel tonna linona Uzia, datu Yehuda sia tonna linona Yerobeam, anakna Yoas, datu Israel, duang taun dolona, namane lino’.

MATIUS 25:31

IanNa sae tu Anak rampan dilino nakabu’ kamala’biranNa, sia naturu’ mintu’ malaeka’Na, anNa unno’ko’ dao isungan kapayunganNa;

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

1 TESALONIKA 3:13

AnNa pabatta’i tu penaammi, anna tae’ attangammi lan kamasalloran dio oloNa Puang Matua, Iamotu Ambe’ta, to ke attu kasaeanNa Puangta Yesu sola mintu’ to masallo’Na.

YESAYA 29:6

Iatu PUANGna mintu’ ma’dandan maritik la sae untunduiko guntu’ sia lino’ sia galugu kapua sia talimpuru’ sia bara’ na api ma’kande pu’pu’.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

2 TESALONIKA 2:8

Attu iapito namane dipasombo tu to umparri-parri kasalan, anna sanggangi penaa sun dio pudukNa Puang (Yesu) sia nasabu’i arrang kasaeanNa.

PA’PUDIAN 96:13

Dio oloNa PUANG, belanna la sae, manassa la sae la umpaolai salunna lipu daenan; la Napaolai malambu’ salu te lino, sia mintu’ bangsa sitinaya kamarurusanNa.

PA’TOLE 33:2

Ma’kadami nakua: Iatu PUANG mengkalao dao mai Sinai sia bu’tu unnarrangi tu tau iato dio mai Seir; sombomi parrang dao mai ma’buntunna Paran sia rampomo bu’tu lu dio mai ma’pulo-pulo sa’bunna to masero pindan. Dio kananNa natiro tu api dukku.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.

YAKOBUS 5:8

Ma’tan penaa dukakomi ammi pabatta’ penaammi, belanna mareke’mo tu kasaeanNa Puang.

LUKAS 21:27

Sia iato attu iato la natiro tu Anak rampan dilino sae lan gaun sisola kamatotoran kapua sia kamala’biran kapua.

MATIUS 24:3

Tonna unno’ko’ dao buntu Zaitun, ussarakki misami kalena tu anak gurunNa nasae lako Kalena, sia nakua: Pokadangkan, attu umbara nala dadi tu iannato, sia apara tandana tu kasaeamMi sia katappuranna te lino?

PA’PUDIAN 98:9

Dio oloNa PUANG, belanna la sae umpaolai salu tu lino; anNa tang pakayun bimbang umpaolai salunna te lipu daenan, sia iatu mintu’ bangsa sitinayanna.

KADIBILANGAN 16:34

Iatu mintu’ to Israel, tu ullilingi, mallaimo, tonna rangimi tu pelallakna tau iato mai, belanna nasanga, kumua: Naampello’ dukaki’ manii te padang.

YOËL 3:11

Ke’de’komi ammi sae, e mintu’ bangsa tiku lao, sia sirampunkomi. O PUANG, pasonglo’mi tu to lalongMi inde to rokko.

ZAKHARIA 4:7

Mindarako, e buntu malangka’? Dio tingayona Zerubabel la dadiko padang marante, la natassu’i tu batu daona lu naunnarrak-arrak tu tau, nakua: Salama’, salama’ lako kalena.

MIKHA 1:11

Tarru’komi male, e to Safir, situang siri’ belanna kama’kambelangammi. Iatu to Zaanan tae’ nabarani tassu’. Iatu kaumbatingan dio Bet-Haezel undampakomi torro inde to dio.