13 Ondongpi, allo iato la den kamarukkan kapua dio lu tau iato mai, tu Napaden PUANG, naurunganni pantan la undammak limanna solana, sia pantan la unnangka’ limanna unnea solana.
Attu ia dukato, kadanNa PUANG, la Kuparampoi katirambanan tu mintu’ darang, sia la Kupabomboan tu mintu’ to ussakei; lako mintu’ to Yehuda la tontong tibungka’ tu matangKu, apa iatu mintu’ darangna to sangpetayanan la Kupabuta.
Belanna tae’mo Kula ungkasayangi tu to untorroi kuli’na padang, kadanNa PUANG; manassa la Kusorong tu mintu’ tolino tama limanna padanna tolino sia tama limanna datunna; na tau iato mai la umpopempadang lo’bangi te lino sia tae’mo Kula urrampananni lan mai limanna tau iato mai.
Iatonna marassan tu tau talluratu’ umpannoni napiri tandukna, pantan Napapatuimi PUANG pa’dang ke simisa’oi ualinna siea lan lu mintu’ inan tenda surodadu iato, naurungan mallai tu surodadu iato lako Bet-Sita, ma’palulako Zerera sae lako lili’ dio tampakna Abel-Mehola, sikandappi’ Tabat.