ZAKHARIA 14:1 - Sura' Madatu

¹ Manassa la sae misa’ alloNa PUANG, la dinii untaa-taai lan lu benteng tembo’mu tu pangrampa diala dio mai kalemu.

ZAKHARIA 14:1 Referans Kwoze

YESAYA 13:9

Inang la sae tu alloNa PUANG sitonda kamaparrangan sia kamagallian anna iatu kasengkean dukku-dukku, tu la umpopempadang lo’bangi tu mintu’ lino, sia la nasabu’i tu mintu’ to umpogau’ kasalan lan te lino.

YESAYA 2:12

Belanna mangkamo Napamanassa PUANGna mintu’ ma’dandan maritik tu allo la urrampoi mintu’ to umpamadao penaanna sia to matampo sia mintu’ to ussattuan kalena, kumua anna dipampa lu rokko.

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.

PENGGAURANNA RASULU’ 2:20

Iatu allo la memmalillin, sia iatu bulan la mendadi rara, to ke la saemi tu alloNa Puang, tu allo kapua sia mala’bi’.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

YESAYA 13:6

Sitangirangkomi, belanna mandappi’mo tu alloNa PUANG; sae butung kasanggangan dio mai To umpoissan angge maritik.

MALEAKHI 4:5

Tonganna la Kusua lako kalemi tu nabi Elia, ke tae’pi nasae tu allo tarompo’ metakuranNa PUANG.

YOËL 3:14

Ma’tombon-tombon tu tau diong lombok pangra’tasan ukungan, belanna mandappi’mo tu alloNa PUANG diong lombok pangra’tasan ukungan.

YOËL 2:31

Iatu mata allo la membali malillin sia iatu bulan la membali rara, to ke la saemi tu allo kapuanNa sia metakuranNa PUANG.

YOËL 2:1

Pannonii tu napiri tanduk dao Sion, sia rembangi tu katto’-katto’ dao buntu maindanKu! La ma’parondo tu mintu’ pa’tondokan, belanna saemo tu alloNa PUANG. Belanna mandappi’mo!

ZAKHARIA 14:14

Ondongpi, ia duka tu Yehuda la urrarii Yerusalem, na iatu iananna mintu’ bangsa tiku lao la dirampun, iamotu bulaan, salaka sia pakean tarru’ buda.

ZEFANYA 1:7

Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.