ZAKHARIA 12:7 - Sura' Madatu

⁷ La Narampanan PUANG dolo tu tendana Yehuda, kumua na iatu passattuanna rapunna Daud sia to lan Yerusalem, da napakapuai na Yehuda.

ZAKHARIA 12:7 Referans Kwoze

YEREMIA 30:18

Nakua kadanNa PUANG: La Kupopembali tu a’ganna tendana Yakub sia la Kukaturu-turui tu inanna: Iatu kota iato la dibangun sule dao tanete daun lauanna sia iatu tongkonan layuk la bendan dio inanna siamo.

ROMA 3:27

Iake susito, umbami nii tu kapassattuan? Ditibemo. Umbanna atoran dituru’? Atoran umpogau’raka kameloan? Tae’, sangadinna diona atoran kapatonganan.

ZAKHARIA 11:11

Susimoto tu apa iato dipoka tonna allo iato; susi dukamoto iatu makario-riona dio lu mintu’ domba, tu umpalanna’ penaa, unnissanni, kumua iamote tu kadanNa PUANG.

ZAKHARIA 4:6

Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

AMOS 9:11

Allo iato la Kupabendan sule tu lantangna Daud, tu robokmo, sia la Kupasule tu rassakna, sia la Kupabendan sule tu ro’pokna; la Kubangun sule susi to dolona,

YESAYA 23:9

Iatu ullampakki, iamo PUANGna mintu’ ma’dandan maritik, la umpa’dei tu kamala’biranna nasattuan, sia umpamatuna mintu’ to la’bi’ lan te lino.

PA’PUDIAN 55:12

Ondongpi tu penggauran umpabu’tu kasanggangan lalo lan, sia iatu pa’pakario-rio sia kalando-pa’duan tae’ anna tampe tananan pasa’na.

PA’PUDIAN 38:16

Belanna Kamumo kutayan, o PUANG; manassa la Mipebaliina’, o PUANG, Kapenombangku.

PA’PUDIAN 35:26

Da’ito anna kasirisan sia maila’ tu mintu’ to umposende kamandasangku, da’ito naputu’i siri’ sia kaburerean, tu to umpamatampo kalena lako kaleku.

AYUB 19:5

Iake tongannakomi ma’kada layuk lako kaleku, la mipamanassanna’ tu kadisayuangku.

YAKOBUS 4:6

Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

LUKAS 10:21

Iatonna iato parannu penaanNa tu Yesu belanna Penaa Masallo’, nakua: Ma’kurre sumanga’Na’ lako Kalemi, O Ambe’, Puangna langi’ sola lino, belanna mintu’na te Misamboan to matarru’ sia to manarang, amMi pasomboi lako pia. O Ambe’Ku, belanna susimoto tu pa’poraiamMi dio oloMi.