ZAKHARIA 12:6 - Sura' Madatu

⁶ Allo iato iatu mintu’ pangulu pa’rapuanna Yehuda la Kupasusi misa’ puaro lan lu alla’ kayu sia la Kupasusi misa’ sulo lan lu alla’ patuku; iamoto la napurai nakande tu mintu’ to sangpetayanan dio kananna sia dio kairinna tiku lao; apa iatu Yerusalem la tontong bendan dio inanna, iamotu dio Yerusalem.

ZAKHARIA 12:6 Referans Kwoze

OBAJA 1:18

Iatu bati’na Yakub la susi api na iatu bati’na Yusuf la susi dukku api, na iatu bati’na Esau la susi dalame; la natutungi sia pura naballa, na moi misa’ tu bati’na Esau tae’ natilendok, belanna susimo kadanNa PUANG.

ZAKHARIA 2:4

anna ma’kada lako tu malaeka’ senga’, nakua: Ma’dondoko male muma’kada lako tu to mangura, mukua: Iatu a’ganna Yerusalem la susi misa’ kota tang dibenteng, napobua’ kabudanna tau sia patuoan lan.

ZAKHARIA 9:15

PUANGna mintu’ ma’dandan maritik la urrerungi tu tau iato mai, naurunganni mangampello’, ondongpi nalullu’ tu batu pelobang; la mangiru’ tu tau iato mai, namareko napobua’ uai anggoro’, sia la ponno rara tu tau iato mai susi pindan pa’pi’pikan sia susi tetuk inan pemalaran.

MIKHA 4:13

Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

YEREMIA 30:18

Nakua kadanNa PUANG: La Kupopembali tu a’ganna tendana Yakub sia la Kukaturu-turui tu inanna: Iatu kota iato la dibangun sule dao tanete daun lauanna sia iatu tongkonan layuk la bendan dio inanna siamo.

YESAYA 54:3

Belanna la membaka’ka’ko lako kanan sia kairi sia la napomana’ bati’mu tu mintu’ bangsa sia ia la umpamapulu’ polei sule tu mintu’ kota daun lauanmo.

YESAYA 9:20

To Manasye anna to Efraim, sia to Efraim anna to Manasye; la umpapada penaa unnea to Yehuda. Moi anna susito iate mintu’na, tae’ anna poradanni kasengkeanNa Puang sangadinna tontong bangpa tie’te’ tu limanNa.

KADA OMBO’ LAKO RASULU’ YOHANES 20:9

Kendekmi ussitutu’i kuli’na padang, anna patama limbui tu inanna to pararinna mintu’ to masallo’ sia tondok Nakamali’na; songlo’mi tu api dao mai langi’ ummampu’i tu tau iato mai.

2 KORINTUS 6:7

lan kapa’peissanan lambu’ lan kamatotoranNa Puang Matua, sitetang pa’buno kamalamburan lan lima kairi sia kanan,

ZAKHARIA 11:1

Bungka’i tu mintu’ ba’bamu, e Libanon, anna purai api tu mintu’ garonto’ arasi’mu.

ZAKHARIA 2:12

Attu iato la Naala PUANG tu Yehuda la Napomana’ dao padang maindan sia iatu Yerusalem la Napilei langsa’ dukapa.

ZAKHARIA 1:16

Iamoto, inde sia tu kadanNa PUANG, Nakua: La suleNa’ lako Yerusalem situang kamamasean, anna dibangun tu banuangKu lan, kadanNa PUANGna mintu’ ma’dandan maritik, sia iatu tinting pesuka’ la dirittingan lan Yerusalem.

ZAKHARIA 12:5

Attu iato iatu mintu’ pangulu pa’rapuanna Yehuda la ma’kada lan penaanna nakua: Iatu to lan Yerusalem misa’ lima matoto’ lako kaleku tete dio PUANGna mintu’ ma’dandan maritik, Kapenombanna tau iato mai.