12 Mintu’ tau lan tondok la ussa’bu’ bating, pantan simisa’-misa’ pa’rapuan; pa’rapuanna manna bati’na Daud sia ia manna tu mintu’ bainena, pa’rapuanna manna bati’na Natan sia ia manna tu mintu’ bainena;
Tiromi la saeMo, natikui gaun anna mintu’ mata untiroI; sia la natiro duka mintu’ to urrokKi; mintu’ suku lan te lino la siorronan untiroI. Tonganna, amin.
Namangkato la payan tu tandaNa Anak rampan dilino dao langi’; anna mintu’na bangsa lan lino la umbating, anna kitaI tu Anak rampan dilino sae dao gaun dao mai langi’ umpake kamatotoran sia kamala’biran kapua.
sia la mekutana lako tu mai to minaa, tu dio banuanNa PUANGna mintu’ ma’dandan maritik, sia lako mintu’ nabi, nakua: Sipatura’ka la tumangi’ sia ma’puasa lan bulan ma’pellima, susitu kipogau’ ba’tu pirang-pirang taunmo lendu’na?
Da mima’pasitanan, bokoranna ke pada elo’mi patomalimmi ba’tu sangapa-apa, anna den kapalambirammi massambayang, mimane sisola sule, da anna rosokomi deata bulituk, apa tae’ mibelai untaloi kalemi.
Rampunni tu bangsa, pamaindanni tu kombongan, pasipulungi tu mintu’ to matua, rampunni tu mai pia’-pia’ sia mintu’ pia ma’susupa, la tassu’ tu muane la diparampo lan mai bilikna sia iatu baine la di parampo lan mai katindoanna.
Iamoto, la rosso tu lino sia iatu langi’ dao la ma’pote dibolong, belanna mangkamo Kupokada sia Kura’ta’ tu iannato, sia tae’mo Kupenassanni sia Kuboko’imo.
Perangii, tu gamara dao mai tanete lo’bang, iamotu tangi’na sia pengkamoyana to Israel, belanna umpasepang lalanna sia naboko’i tu PUANG, Kapenombanna.
Nasuami PUANG tu Natan male mennolo lako Daud. Malemi mennolo lako datu anna ma’kada nakua: Lan misa’ kota anu den da’dua tau, misa’ sugi’ na misa’ bongko.
Bongi ia dukato millikmi tu Firaun sola mintu’ to mase’ponna sia mintu’ to Mesir, siangleammi tu tau lan tondok Mesir, belanna misa’oi banua tae’ tang nanii tau mate lan.