ZAKHARIA 12:11 - Sura' Madatu

¹¹ Allo iato la den bating kapua dio Yerusalem, susi bating diona Hadad-Rimon diong lombok Megido.

ZAKHARIA 12:11 Referans Kwoze

2 OSSORANNA DATU 35:24

Naangkarammi taunna lan mai karetana, napalelei dao kareta senga’, tu kareta ma’penduanna, nabaai lako Yerusalem. Ka’tumi angin dipudukna tu datu, anna dipeliang lan liangna nene’ to dolona, sia mintu’ to Yehuda sia to lan Yerusalem umpassanda bolonganni tu Yosia.

2 DATU 23:29

Iatonna linona ke’de’mi tu Firaun Nekho, datu Mesir, lako salu Efrat la sirari datu Asyur. Malemi tu datu Yosia umpentammui la unneai; napateimi tu Yosia dio Megido, tonna tiroi.

MATIUS 24:30

Namangkato la payan tu tandaNa Anak rampan dilino dao langi’; anna mintu’na bangsa lan lino la umbating, anna kitaI tu Anak rampan dilino sae dao gaun dao mai langi’ umpake kamatotoran sia kamala’biran kapua.

KADA OMBO’ LAKO RASULU’ YOHANES 1:7

Tiromi la saeMo, natikui gaun anna mintu’ mata untiroI; sia la natiro duka mintu’ to urrokKi; mintu’ suku lan te lino la siorronan untiroI. Tonganna, amin.

KADA OMBO’ LAKO RASULU’ YOHANES 16:16

Narampunmi penaa deata masussuk tu mintu’ datu lino sirampun dio misa’ inan tu disanga lan basa Ibrani: Harmagedon.

ZAKHARIA 12:12

Mintu’ tau lan tondok la ussa’bu’ bating, pantan simisa’-misa’ pa’rapuan; pa’rapuanna manna bati’na Daud sia ia manna tu mintu’ bainena, pa’rapuanna manna bati’na Natan sia ia manna tu mintu’ bainena;

2 OSSORANNA DATU 35:22

Apa iatu Yosia tae’ namemboko’ dio mai, sangadinna umbaliliora kalena la urrarii; tang naperangiimo tu kadanna Nekho, tu ombo’ dio pudukNa Puang Matua sangadinna randukmo parari dio rante Megido.