ZAKHARIA 12:10 - Sura' Madatu

¹⁰ Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

ZAKHARIA 12:10 Referans Kwoze

KADA OMBO’ LAKO RASULU’ YOHANES 1:7

Tiromi la saeMo, natikui gaun anna mintu’ mata untiroI; sia la natiro duka mintu’ to urrokKi; mintu’ suku lan te lino la siorronan untiroI. Tonganna, amin.

YEHEZKIEL 39:29

Sia tae’mo angKu la umbunianni lindoKu, ke mangkami Kubarrakan tu PenaangKu lako to Israel, kadanNa Puangta PUANG.

YEREMIA 6:26

E anak dara taungKu, ma’dodo karungko sia umpentombangko au. Ma’pote dibolongko susito kamatean anak misa’, sia mario-rioko umbating; belanna ta’pa nalaoiki’ to ma’kasanggang.

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,

ROMA 8:26

Susi dukamoto tu Penaa ussande’ki’ lan kalanggaranta. Belanna iatu apa la tapalaku susi sipato’na, tae’ taissanni; sangadinna Ia kalena tu Penaa umpa’kadangki’ sisola sarro tang dilambi’ dipokada.

ROMA 8:15

Belanna tangia unnappa’komi penaa kakaunanan naurunganni mataku’pokomi, sangadinna unnappa’mokomi Penaa umpadadikomi to dianak, tu tabannang metamba kumua: Abba, o Ambe’!

MATIUS 24:30

Namangkato la payan tu tandaNa Anak rampan dilino dao langi’; anna mintu’na bangsa lan lino la umbating, anna kitaI tu Anak rampan dilino sae dao gaun dao mai langi’ umpake kamatotoran sia kamala’biran kapua.

AMOS 8:10

Attu iato la Kupopembali passanda bolong tu mintu’ pa’gaurammi sia la Kupopembali bating tu mintu’ naniammi. Attu iato la Kupatambeke’i nasangkomi sanda bolong sia la Kupopa’galettung tu mintu’ ulu. Iatu kapassanda-bolongan la Kupabutung sanda-bolong diona anak tungga’ sia iatu ma’katampakanna la susi allo nanii kamaparrisan.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

PENGGAURANNA RASULU’ 11:15

Iatongku randukmo ma’ulelean, songlo’mi tu Penaa Masallo’ lako kalena tinde tau susi kita tonna mulanna.

PENGGAURANNA RASULU’ 10:45

Mintu’na tu to ma’patongan, tu unturu’ aluk sunna’, tu saena sola Petrus, lendu’ mangngana, belanna dipasonglo’ duka sia dipa’kamasean tu Penaa Masallo’ lako to kapere’.

PENGGAURANNA RASULU’ 2:17

Nakuami Puang Matua: La dadi ke allo katappuranna lino, la umpatitu’ba’Na’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine, sia iatu mai to mangurammi la ungkita bayo-bayo ba’tu pira-pira penggauran, sia iatu mai to matua-tuammi la ungkita tindo ma’rupa-rupa tindo,

YEREMIA 50:4

Allo iato sia attu iato, kadanNa PUANG, pada la sae tu mintu’ to Israel sola to Yehuda, situang tangi’na undaka’ PUANG, Kapenombanna.

YEREMIA 31:9

Anna sae tu tau iato mai situang tangi’na, AngKu solanni natontong mengkamoya-moya; la Kusolan lako to’ salu’-salu’ dio lalan marante, tu tae’ nanii titodo lette’na. Belanna Aku napoambe’ Israel na Efraim iamo anak pa’bunga’Ku.

YESAYA 32:15

Sae lako attu ditua’na lako kaleta tu Penaa dao mai inan madaona. Attu iato padang rangke la membali pa’lak lunak sia iatu pa’lak lunak la susi pangala’.

YUDAS 1:20

Apa kamu te, e pa’kaboro’ku, pabantangi tu kalemi umpoparandangan kapatonganan masallo’mi tongan, ammi massambayang Narondong Penaa Masallo’.

PENGGAURANNA RASULU’ 2:37

Iatonna rangii susito, tibaliangmi ara’na sola nasangi nama’kada lako Petrus sia iatu mai rasulu’ senga’, nakua: E kamu to kisangsiuluran, apara tu sipatu la kipogau’?

SARAMBU PEADA’ 1:23

Tibalikkomi lako pa’pakilalangku! Manassa la kutuarangkomi tu penaangku, sia iatu kadangku la kupaissanangkomi.

PA’PUDIAN 51:12

Pakombonganna’ lan ba’tengku tu misa’ penaa masero, o Puang Matua, sia ba’rui lan kaleku tu misa’ penaa kalebu.

MATIUS 26:75

Tilanta’mi lan penaanna Petrus tu kadanNa Yesu kumua: Tae’pa naunnoni manuk, ammu peonganniMo’ pentallun. Sunmi naunnade-ade tumangi’.

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

SARAMBU PEADA’ 4:3

Iatongku piapa solana’ ambe’ku, kaboro’pa’ sia anak misa’ dio pentirona indo’ku,

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YEREMIA 31:19

Iatongku kilalai tu a’gangku, menassanmo’, iatongku inaa-naai tu pasiruangku, ussa’pamo’ ara’ku; kasirisammo’, sia maila’, belanna untanggungna’ kaditattan tongku mangura.

YEHEZKIEL 20:43

Sia inde to la minii ungkilalai tu mintu’ gau’mi sia penggaurammi, tu mipobannang urruttakki kalemi belanna mintu’ penggauran kadake tu mangka mipogau’.

YEHEZKIEL 37:14

Sia la Kupatamaikomi Penaangku, ammi tuo sule, sia la Kupatorrokomi dao padangmi, ammi tandai, kumua Akumo, tu PUANG, mangkamo umpokadai tu iannato sia umpogau’i, kadanNa PUANG.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

KADADIAN 45:1

Susimito iatu Yusuf tang natanan-tananmo tu ara’na dio tingayona mintu’ to dio ren nasolan nametamba nakua: Suai tassu’ tu mintu’ tau indete! Tae’ bangmi tau nasolan Yusuf tonna pa’petandan kalena lako mintu’ siulu’na.

KADADIAN 45:2

Ma’urrukammi tumangi’ naurunganni narangi mintu’ to Mesir sia mintu’ to lan tongkonan layukna Firaun.

KADIBILANGAN 21:9

Nagaragaimi Musa tu misa’ ula’ tambaga napatoppo’i dao kayu sangbatang; sia minda-minda, ke mangkami natotok ula’, anna mentiro langngan ula’ tambaga iato, manassa tuo.

1 SAMUEL 7:2

Temponna dio Kiryat-Yearim tu patti iato den ba’tu pirang-pirang taun lendu’na, sae lako duangpulo taunna, namane mintu’ to Israel sumarro namengkaola lako PUANG.