ZAKHARIA 11:8 - Sura' Madatu

⁸ Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.

ZAKHARIA 11:8 Referans Kwoze

YOHANES 15:18

Iake nakabiri’komi issinna te lino, issan bangmito kumua inang nakabiri’Mo’ dolo anna kamu.

YOHANES 7:7

Tae’ nabelai tu issinna te lino la ungkabiri’komi, apa nakabiri’Na’ Aku, belanna Kukatottongi tu a’ganna, kumua kadake tu penggauranna.

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

LUKAS 19:14

Apa nakabiri’ sangtondokna tinde tau, namesua undi urrundu’i, nakua: Nokakan kami la nadatui te tau iate.

HOSEA 5:7

Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.

IBRANI 10:38

Apa iatu to maloloKu la umpotuo kapatonganan; pa iake sorong boko’i, tae’ naalai PenaangKu.

HOSEA 9:15

Mintu’ kakadakeanna sirampun dio Gilgal, iamoto inde dukato dio Kunii ungkabiri’i tu tau iato mai; belanna penggauran kadakena, angKu la unnula’i lan mai banuangKu. Sia tae’mo angKu kamasei; mintu’ arungna pabali-bali nasang.

YEREMIA 14:21

Da Mitibei sia da Mitang umbilangi tu isungan kapayungan madatumMi, belanna sangamMi. MengkilalaKomi; da Mipokai tu basse tatanan sola.

YEREMIA 12:8

Iatu kedona mana’Ku susito singa lan pangala’ lako Kaleku, naburrungi lenNa’, iamoto angKu kagi’gi’i.

PA’PUDIAN 106:40

Iamo bannangna to anna ma’lulu-lulu tu kasengkeanNa PUANG lako taunNa, sia Nasayu pallan tu to Napomana’;

PA’TOLE 32:19

Iatonna tiromi PUANG tu iannato, Natibemi tu tau iato, belanna iatu anakNa muane sia anakna baine umpamapa’di’mo penaanNa Puang.

SURA’ KATOMINAAN 26:44

Apa moi torro lan tondokna ualinna, tae’ duka Kula umpamatunai sia tae’ Kukasorroi, Kuurungan ussabu’i sia Kupoka tu basseta, belanna Akumo tu PUANG, Kapenombanna.

SURA’ KATOMINAAN 26:30

Sia la Kusanggang tu inan madao sia la Kusabu’i tu inan pemalaran pantunuan dupammi sia la Kupembuangan tu batang rabukmi dao batang rabukna deatammi sia la Kukalilukomi.

SURA’ KATOMINAAN 26:11

Sia la Kupabendan tu kemaKu lan lu tangngami sia tae’ Kula ungkalilukomi,

LUKAS 12:50

Apa tae’ nasalai tang didio’Na’ lan misa’ kadidioran sia tang pada kamakario-rioangKu sae lako disundunninna tu iannato.

PA’PUDIAN 78:9

Mintu’ bati’na Efraim, iamotu to sakka’ pa’buno tinaranna, sumoro’mo ditalo tonna parari.

PA’PUDIAN 5:5

Belanna tangiaKomi Kapenomban umporai katangmekaalukan, sia iatu to kadake tang nasara ussisolangKomi.

YEREMIA 6:30

Nasangaimi tau salaka ditibean, belanna Natibemo PUANG tu tau iato mai.

YEHEZKIEL 14:5

angKu patiakka’i tu penaanna to Israel, tu umboko’iMo’ sola nasangi sola mintu’ rapang-rapang dipodeatana.

YEHEZKIEL 16:45

Ikomo tu anakna baine indo’mu, tu ungkasorromo muanena sia anakna muane, sia ikomo tu siulu’na tu mai sangbainemu, tu ungkasorromo muanena sia anakna muane. Iatu indo’mu to Heti sia iatu ambe’mu to Amori.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

1 DATU 11:25

Iamo ualinna to Israel angge tuona Salomo; senga’pi to tu kakadakean napogau’ Hadad. Iatu Rezon ungkagi’gi’ to Israel sia iamo datu dio Aram.