ZAKHARIA 11:7 - Sura' Madatu

⁷ Iamoto kukambi’i tu mintu’ domba la ditunu – iamo napobannang to namakario-rio dio lu mintu’ domba angku alai tu tekken da’dua, misa’ kusangai Pa’kaboro’na iatu misa’ Pa’pori, susimoto kunii ungkambi’i tu tuntunan iato.

ZAKHARIA 11:7 Referans Kwoze

ZAKHARIA 11:14

Mangkato kule’toomi tu tekken ma’penduangku, tu disanga Pa’pori, kuurunganni umpoka kasiuluranna Yehuda na Israel.

ZAKHARIA 11:4

Inde sia tu kadanNa PUANG, Kapenombangku, Nakua: Kambi’i tu mintu’ domba la ditunu.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

ZEFANYA 3:12

Sia la Kupatorro dio lu kalemi tu mai to mase-mase sia to bitti’ sia iatu mai to umpentilindungi sanganNa PUANG.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

YOHANES 10:16

Den dukapa dio KaleKu tu domba senga’ tu tang lanna bontong domba iate; mintu’nato sipatu duka Kubaa, sia la narangi tu gamarangKu, anna sita’pa mendadi sangtuntunan, sia misamora to mangkambi’na.

MARKUS 12:37

Daud kalenamo umpekapuangi, umba nakua nala ia pole’o napoanak? Budami tu tau lendu’ naporainna umperangii.

MATIUS 11:5

Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

PA’PUDIAN 23:4

Moi angku olai lombok malillin parrak, tae’ duka kukataku’ kasanggangan, belanna Mirondongna’, tarasulu’Mi sia ta’baMi umpakananna’ penaangku.

1 SAMUEL 17:43

Nakuami tu to Filistin lako Daud: Asura’kate, ammu saera unnea tekkenna’. Nagataimi tu Daud ussa’bu’ deatanna.

1 SAMUEL 17:40

Natoemi tu tekken anna pilei tu lima batu malangngo’ diong mai salu, anna patamai kandu’ pangkambi’ nasaririi, lan sapa’ tu napanninna batu, anna toei tu lobang, anna pengkareke’i tu to Filistin iato.

SURA’ KATOMINAAN 27:32

Mintu’ sangtaan sangpulona sapi ba’tu domba sia bembe’, tu lendu’ diongna lu tekken, iatu sangtaan sangpulona, iamoto tu maindan lako PUANG.

PA’PUDIAN 27:4

Misa’ tu mangka kupalaku dio mai PUANG; iamoto tu la kutuntun, kumua: angku ma’din torro lan banuanNa PUANG angge tuoku, la untiro lindo kamasokananNa PUANG, sia unnannungi tu iannato lan banua kabusunganNa.

PA’PUDIAN 90:17

Sangapaoi anna rampoikan kamana-mananNa Puang Kapenombangki, sia patontongangkan tu lalan limangki, ondongpi iatu lalan limangki la Mipatontong.

YEREMIA 39:10

Apa iatu mintu’ to makario-rio dio mai to Yehuda tu tae’ apa naampui, napatorro Nebuzaradan, pangulu to ma’kampa dio tana Yehuda, sia naben ba’tu pira-pira pa’lak anggoro’ sia pa’pa’lakan tu tau iato mai.

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

MIKHA 7:14

Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.