ZAKHARIA 11:2 - Sura' Madatu

² Sumarroko, e sanoba’, belanna songkamo tu arasi’, sia diratoimo tu mintu’ kayu umbalumbun; sumarrokomi, e mintu’ jati dio Basan, belanna tibambangmo tu pangala’ tamman.

ZAKHARIA 11:2 Referans Kwoze

LUKAS 23:31

Belanna iake susii penggauranna lako kayu mamata to, la ma’patumbaoi dadinna tu kayu marangke?

AMOS 6:1

Upu’ allona tu to tang matangkin dao Sion sia ussa’ding kalena marampa’ dao buntu Samaria, to la’bi’na bangsa ditonno’ dio lu mintu’ bangsa, tu nanii to Israel rampo mengkanorong.

YEHEZKIEL 31:17

Ia duka tu tau iato mai malemo sola rokko lino to mate, lako to dipatei pa’dang, iamotu to patunduanna, tu torro diong to’ naonganninna dio lu mintu’ bangsa.

YEHEZKIEL 20:46

E ma’rupa tau, mentingo lu sau’ko, palolongko kadammu sau’ lili’ Lo’na lu sia ma’nubua’ko unnea mempangala’na, iamotu padang Lo’na lu.

YEHEZKIEL 27:6

Kayu jati dio mai Basan digaraga tu mintu’ pebosemu. Iatu salimmu gading digaraga, dipasialla’ kayu buangin dio mai tondok ma’biring tasikna Kitim.

ZAKHARIA 11:1

Bungka’i tu mintu’ ba’bamu, e Libanon, anna purai api tu mintu’ garonto’ arasi’mu.

ZAKHARIA 11:3

Perangii tu sarrona to mangkambi’, belanna sanggangmo tu kamala’biranna; perangii tu burrungna singa mangura, belanna iatu kamaballoanna Yordan sanggangmo.