ZAKHARIA 10:6 - Sura' Madatu

⁶ Tenmoto la Kupamatoto’ tu to Yehuda sia urrampanan to Yusuf, ondongpi, la Kupasulei tu tau iato mai, belanna Kukamasei, sia iatu a’ganna la susi tonna tae’pa Kutibei. Belanna Akumo tu PUANG, Kapenombanna, sia la Kuperangii tu tau iato mai.

ZAKHARIA 10:6 Referans Kwoze

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

ZAKHARIA 10:12

La Kupabatta’ tu tau iato mai tete dio PUANG, anna lolang tete dio sanganNa, kadanNa PUANG.

YEREMIA 3:18

Attu iato to lan tondok Yehuda la male sitammu to lan tondok Israel, anna tau iato pada la sae lu daa mai padang daa ulunna salu lako padang Kukamaseammo nene’ to dolomi la napomana’.

ZAKHARIA 8:11

Apa totemo tae’mo Kususi dolona lako te bangsa torronapa, kadanNa PUANGna mintu’ ma’dandan maritik.

HOSEA 1:11

La sita’pa tu mai to Yehuda anna to Israel, unnangka’ misa’ pangulu, anna ke’de’ lan mai padang iato, belanna la kapua tu allona Yizreel.

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

MIKHA 7:16

La masiri’ tu mintu’ bangsa untiroi, anna pa’de tu mintu’ kamatotoranna; la natampun limanna tu pudukna, sia la taru tu talinganna.

MIKHA 5:8

Iatu limammu la matande daona lu mintu’ to unneako, sia mintu’ ualimmu la dipisanni.

MIKHA 4:13

Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

YESAYA 14:1

Belanna Nakaturu-turui PUANG tu Yakub sia la tontong Natonno’ tu Israel sia la Napatorro lan tondokna; anna iatu to salian lembang la menturu’ lako to Israel sia la mareke’ lako rapunna Yakub.

YEHEZKIEL 39:25

Iamoto, inde sia tu kadanNa Puangta PUANG, totemo la Kupasule tama dandanna tu Yakub sia la Kukamasei tu mintu’ to Israel sia la natukka’Na’ ara’Ku belanna sanga madatungKu.

YEHEZKIEL 37:16

E ma’rupa tau, alako kayu sangpolo, ammu sura’i dio, kumua: iate kayu iate kayunna Yehuda sia to Israel, tu naala lili’na; ammu ala kayu senga’ pole’ sangpolo, ammu sura’i dao kumua: Iate kayu iate kayunna Yusuf – iamotu kayunna Efraim – sia mintu’ to Israel, tu naala lili’na.

YEHEZKIEL 36:11

La kupamakamban tu tau sola patuoan untongkonnikomi, anna memba’ka’ sia membati’, la Kupakaissikomi susito allo mangka diboko’ sia la Kukamaseikomi tu mipomelona losong na iatonna dolona, ammi tandai kumua Akumo tu PUANG.

YEREMIA 31:31

Tonganna la sae tu allona, kadanNa PUANG, ke untananNa’ basse ba’ru sola to Israel sia to Yehuda.

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

YEREMIA 31:1

Attu iato, kadanNa PUANG; la dadiNa’ Kapenombanna mintu’ pa’rapuanna Israel, anna tau iato mai la dadi taungKu.

YEREMIA 30:18

Nakua kadanNa PUANG: La Kupopembali tu a’ganna tendana Yakub sia la Kukaturu-turui tu inanna: Iatu kota iato la dibangun sule dao tanete daun lauanna sia iatu tongkonan layuk la bendan dio inanna siamo.

YEREMIA 23:6

Iake alloNa iatu to Yehuda la dikarimmanni sia iatu to Israel la torro marampa’, na iatu sanganNa la nasa’bu’ tau: PUANG tu oto’na kamaloloanta.

PA’PUDIAN 89:21

Kuappa’mo tu Daud, taungKu, sia Kutokko minna’ maseroKu.

MIKHA 4:6

Allo iato, kadanNa PUANG, la Kurampun tu to keppa, sia la Kupulung tu to tisambo’ sia iatu mai to Kuparampoi kamandasan.

OBAJA 1:18

Iatu bati’na Yakub la susi api na iatu bati’na Yusuf la susi dukku api, na iatu bati’na Esau la susi dalame; la natutungi sia pura naballa, na moi misa’ tu bati’na Esau tae’ natilendok, belanna susimo kadanNa PUANG.

HOSEA 1:7

Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

YESAYA 11:12

La Naangkaran bate-bate tu mintu’ bangsa sia la Napasipulung sae tu mintu’ to Israel mangka diula’i male, sia la Napopa’misa sule dio mai tetuk a’pa’na lino tu mintu’ baine to Yehuda mangka dipatisambo’-sambo’.

YESAYA 54:4

Da mumataku’, belanna tae’ ammu kasirisan; da mumaila’, belanna tae’ ammu la matuna, sangadinna la mukalupaimo tu kamatunammu tommu mangura sia tang mukilalaimo tu kadibellerammu tommu balu.

YESAYA 54:8

Diona kare’dekanna ara’Ku, angKu popentilindung lindoKu sattu’ dio mai kalemu, apa situang kamasokanan matontongan, angKu katuru-turuiko, kadanNa Pela’bakmu, Iamotu PUANG.

ZAKHARIA 1:16

Iamoto, inde sia tu kadanNa PUANG, Nakua: La suleNa’ lako Yerusalem situang kamamasean, anna dibangun tu banuangKu lan, kadanNa PUANGna mintu’ ma’dandan maritik, sia iatu tinting pesuka’ la dirittingan lan Yerusalem.

ZAKHARIA 9:16

Allo iato, PUANG, Kapenombanna, la urrampananni tu tau iato mai susi domba ma’baanan; iatu taunNa susi tuntunan dombaNa, ondongpi sangtinti parimata dio makotaNa, tu la pandillak-dillak lan tondokNa.

YEREMIA 30:20

Mintu’ anakna muane la susi a’ganna tonna dolona sia iatu kasirampunanna la tontong dio oloKu, sia iatu mintu’ to umpakario-rioi la Kuukung.

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.