ZAKHARIA 10:4 - Sura' Madatu

⁴ Dio mai tau iato mai la nanii bu’tu tu batu petau, dio mai tau iato mai la nanii bu’tu tu tana’ tenda, dio mai tau iato mai la nanii bu’tu tu pana dipake lan kapararian, sia dio mai tau iato mai la nanii pada bu’tu tu mintu’ to paa.

ZAKHARIA 10:4 Referans Kwoze

ZAKHARIA 9:10

Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.

ZAKHARIA 9:8

La torroNa’ ungkampai banuangKu tiku lao unnea tuntunan surodadu tu male sule, sia tae’mo nala ullaoi tu to ma’pakario-rio, belanna totemo matangKu kalenamo untiroi.

KADIBILANGAN 24:17

Kutiro tu tau iato, apa tae’ natotemo, kupenunu tu tau iato, apa tae’ namandappi’; misa’ bintoen bu’tu lan mai Yakub, misa’ tekken kapayungan lan mai Israel, sia untesse pili’na Moab, sia umpipping mintu’ bati’na Set.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

2 TIMOTIUS 2:4

Tae’ misa’ tu surodadu marassan parari, umposara’ kalena kinallona, ia manna ria la naposara’ tu la naposendena tu to umpangului.

MATIUS 9:38

Iamoto, dadi palakui langngan Puang ampunna bura padang anNa sua tau ungkasara’i tu bura padangNa.

YEREMIA 1:18

Manassa allo iate Aku umpadadiko misa’ tambakuku matoto’ sia lentong bassi sia rinding tambaga untingoi tu mintu’ tondok sia mintu’ datu Yehuda sia arungna sia to minaanna sia mintu’ to lan tondok iato.

YESAYA 54:16

Akumote tu umpadadi pande bassi tu ussau ruaya sia unggaraga pa’buno situang kamanaranganna, apa Aku dukamo tu umpadadi tu to pasanggang la pasanggangan.

YESAYA 49:2

Napopendadi la’bo’ mataran tu pudukku; Naongannina’ limanNa, Napadadina’ misa’ tinaran matadi’, Napalanna’i tambilanNa.

YESAYA 19:13

Dipabagamo tu mai arungna Zoan, salingmo tu mai arungna Nof; mintu’ tu mai tedong pariu’na lembangna umpapusamo to Mesir.

PA’PUDIAN 118:22

Iatu batu natibemo pande, Iamo mendadi batu petau.

EZRA 9:8

Na totemo tae’pa namasai alla’na dinii umbenkan kamaturu-turuan dio mai PUANG, Kapenombangki, belanna Napatorroangkan tu tau dirampanammo sia umbenkan misa’ tana’ lan inan maindanna, tu Nanii Kapenombangki umpamarorrongan pentiroki sia umpopenaa melokan sidi’ lan kakaunanangki.

1 SAMUEL 14:38

Ma’kadami Saul nakua: Maikomi sola nasang, e kamu mintu’ pangulu to buda, la miparessa ammi issanni, kumua umba nanii bu’tu tu kasalan iato.

KADADIAN 49:24

Apa iatu panana tontong duka matoto’, sia iatu takia’na sia limanna matimpan duka, tete dio limanNa To patunduan matoto’na Yakub, tete dio To pakambi’na tu To napobuntu batu Israel;

LUKAS 20:17

Apa mentiro Yesu lako tinde tau, Nakua: Na apa battuananna te kada iate disura’: Iatu batu natibe mintu’ pande, mendadi batu petau?

EFESUS 2:20

tu dibangun dao parandangan naparokko mintu’ rasulu’ sia nabi, na iatu batu petaunna iamotu Kristus Yesu.

1 PETRUS 2:6

Belanna den disura’ lan Sura’ Madatu kumua: Kutanan lan Sion tu batu petau, ditonno’ sia keangga’; na iatu to umparandan Dio kapatongananna, tae’ anna la dipakasiri’.

YEREMIA 51:20

Ikomo tu pepa’tongKu sia pa’buno kapararian; na ikomora angKu nisak-nisakki tu ba’tu pira-pira bangsa sia Kusabu’i tu batu pira-pira kadatuan.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.