ZAKHARIA 10:12 - Sura' Madatu

¹² La Kupabatta’ tu tau iato mai tete dio PUANG, anna lolang tete dio sanganNa, kadanNa PUANG.

ZAKHARIA 10:12 Referans Kwoze

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

ZAKHARIA 10:6

Tenmoto la Kupamatoto’ tu to Yehuda sia urrampanan to Yusuf, ondongpi, la Kupasulei tu tau iato mai, belanna Kukamasei, sia iatu a’ganna la susi tonna tae’pa Kutibei. Belanna Akumo tu PUANG, Kapenombanna, sia la Kuperangii tu tau iato mai.

YESAYA 2:5

Maikomi, e bati’na Yakub, la lolang lanki’ arrangNa PUANG.

2 TIMOTIUS 2:1

Iamoto, e anakku, mananna’ko lan pa’kamasean tete dio Kristus Yesu.

MIKHA 4:5

Belanna mintu’ bangsa pantan lolang tete dio sanganna deatanna, apa iatu kita la lolangki’ tete dio sanganNa PUANG, Kapenombanta, tontong sae lakona.

KOLOSE 3:17

Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

KOLOSE 2:6

Tu belanna mitarimamo tu Kristus Yesu, tu Puang, lolangmokomi lan kasiturusanNa,

FILIPI 4:13

Mintu’na apa kubela umpassanni lan Kristus, tu umpamatoto’na’.

YESAYA 45:24

Iatu diona Aku la nakua tau umpokadaNa’: Dio manna PUANG tu kamaloloan sia kamatotoran; saemo tu mai tau lako, apa la kasirisan tu mintu’ to mare’dek ara’na lako Kalena.

KADADIAN 24:40

Nakuami lako kaleku: Iato PUANG kupengkaolaimo, tu la ussua malaeka’Na la musolan sia Ia duka la umpamaupa’ kalingkammu, ammu alanni baine tu anakku dio mai to’ pa’rapuangku sia dio mai banuanna ambe’ku.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

ZAKHARIA 12:5

Attu iato iatu mintu’ pangulu pa’rapuanna Yehuda la ma’kada lan penaanna nakua: Iatu to lan Yerusalem misa’ lima matoto’ lako kaleku tete dio PUANGna mintu’ ma’dandan maritik, Kapenombanna tau iato mai.

KADADIAN 5:24

Iatu Henokh la’ka’ bang lako Puang Matua, pa’demo ia, belanna Nasolan Puang Matua langngan.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

1 TESALONIKA 2:12

angki pabatta’i tu penaammi sia kipasan-pasan, miangkaran gau’ sipatu pa’poraianNa Puang Matua, tu mangka untambaikomi tama ParentaNa sia kamala’biranNa.

YEHEZKIEL 30:24

Iatu takia’na datu Babel la Kupamawatang sia la Kupatoei pa’dangKu, apa iatu takia’na Firaun la Kurebong, naurunganni sumarro dio olona susi sarrona to mandalan bangkena.