ZAKHARIA 1:5 - Sura' Madatu

⁵ Iatu mintu’ nene’ to dolomi, umbamira nanii? Sia mintu’ nabi tuoraka tontong sae lakona?

ZAKHARIA 1:5 Referans Kwoze

TOMANGADA’ 12:5

Iake nakataku’i tau tu inan matande sia den apa napotiramban dio lu lalan; to ke menta’bimi tu garonto’ badam sia iatu batik napela’-pela’ bang lumingka sia iatu bunga kappari’ tae’mo gai’na –, belanna iatu tolino sule lako banua matontonganna sia mintu’ to umbating lu lako lu dio mai dio lu batatta.

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

IBRANI 9:27

Susitu tolino manassamo den pissan nala mate, namangkato namane dipaolai salunna,

PENGGAURANNA RASULU’ 13:36

Belanna iatonna mangkamo Daud umpogau’ pa’poraianNa Puang Matua tonna linona, matemi anna dipeliang dio sa’dena nene’ to dolona, naburuk.

YOHANES 8:52

Nakuami tu to Yahudi lako: Totemo kiissan pissanmo kumua natamaiKomi deata masussuk. Iatu Abraham sia mintu’ nabi mate nasangmo, ammi kuami kamu: iake denni tau ungkaritutui kadangku, tae’ nala sikita len kamatean sae lakona.

TOMANGADA’ 1:4

Sangosso’ male, sangosso’ pole’o sae, apa iatu lino tontong bang tumanan.

PA’PUDIAN 90:10

Iatu mintu’ allo katuoangki, pitungpulo taunna, iake marendengkanni karua pulona taunna; apa iatu diposattuanna to, kamasussan manna sia karossoan, bellanna madoi’ bang lendu’, angki pa’de poton.

YEREMIA 36:28

Ala pole’ko misa’ lulunan sura’ senga’ sura’i tama tu mintu’ kada dolo, tu lan lulunan sura’ dolo, tu naballa Yoyakim, datu Yehuda.

BATING 5:7

Iatu mai ambe’ki kasalammo, totemo pa’demo, na iatu mintu’ salana, kami nasang umpassanni.

1 SAMUEL 25:1

Ta’kala matemi tu Samuel anna sirampun tu mintu’ to Israel ma’pote dibolong anna lamunni lan banuanna dio Rama. Ke’de’mi tu Daud anna solo’ rokko padang pangallaran Paran.

2 DATU 13:14

Iatonna masaki tu Elisa, tu saki napobannang mate, saemi tu Yoas, datu to Israel lako kalena anna tumangi’ dio olona sia ma’kada nakua: O ambe’ku, ambe’ku! Karetana sia pakkanarangna to Israel!

2 DATU 13:20

Mangkato matemi tu Elisa, napeliangmi tau. Iatonna iato denmi ba’tu pira-pira tuntunan to Moab tama tondok la mangrampa, tonna randuk pentaunan.