ZAKHARIA 1:19 - Sura' Madatu

¹⁹ Mekutanamo’ lako malaeka’, tu kusipa’kadan, kukua: Apara battuananna te? Ma’kadami lako kaleku nakua: Iamote tu tanduk umpatisambo’ Yehuda sia Israel sia Yerusalem.

ZAKHARIA 1:19 Referans Kwoze

ZAKHARIA 8:14

Belanna inde sia tu kadanNa PUANGna mintu’ ma’dandan maritik, nakua: Susimoto tu tanan penaangKu la umparampoikomi kamandasan, tonna pare’dekki nene’ to dolomi tu ara’Ku, kadanNa PUANGna mintu’ ma’dandan maritik, Kuurunganni tang menassanmo,

ZAKHARIA 2:2

Mekutanamo’ kukua: Umba la muolai? Nabalimo’ nakua: La malena’ ussuka’ Yerusalem, la untiroi ba’tu la sangapai sangka’na sia landona.

ZAKHARIA 1:21

Mekutanamo’ kukua: Apa sae napogau’ te tau iate? Mebalimi nakua: Iamote tu mintu’ tanduk, tu umpatisambo’ Yehuda naurunganni moi misa’ tau, tae’ nabelai unnadongan ulunna; apa saemo te tau iate umpatirambanni tu tau iato mai sia umpempananni tu tandukna mintu’ bangsa, tu unnangka’ tandukna unnea tondok Yehuda, la umpatitale’i male.

ZAKHARIA 1:9

Mekutanana’ kukua: Apara battuananna te mintu’ te, o puangku? Mebalimi tu malaeka’ kusipa’kadan nakua: La kupakitangko tu battuananna te mintu’na te.

EZRA 4:4

Napalangga’mi pa’tondokan iato tu bangsa Yehuda, sia napakataku’ tau iato mai la umbangunni tu banua.

EZRA 4:1

Iatonna rangimi to umbali-bali to Yehuda sia to Benyamin, kumua iatu to sulemo dipali’ umbangun misa’ Banua Kabusungan lako PUANG, Kapenombanna to Israel,

EZRA 4:7

Apa iatonna linona Artahsasta unggaragaimi misa’ sura’ tu Bislam, Mitredat, Tabeel sia iatu sangpangka’ senga’na lako Artahsasta, datu Persia; iatu sura’ iato disura’ lan basa Aram, sibaa misa’ pallemba’na.

HABAKUK 3:14

Anak panana duka ia la Mitossokan tarru’i, tu ulunna surodadunna, tu sae palaoan la mela’tek umpatisambo’na’, butung to unnampello’ to mandasa lan inan kabunianna.

AMOS 6:13

E kamu, tu umposende Lodabar, tu ma’kada kumua: Tang kamatotorantaraka anta taloi tu Karnaim?

DANIEL 12:7

Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

EZRA 5:3

Attu iato saemi lako tau iato tu Tatnai, to maraa lompo lili’ sambalinna lu Salu sia Syetar-Boznai sola sangpangka’na, anna ma’kada lako tau iato mai, nakua: Mindara ussuakomi umbangunni te banua iate sia ussundunni te benteng tembo’ iate?

1 DATU 22:11

Iatu Zedekia, anakna Kenaana, mangkamo unggaragan kalena tanduk bassi, anna ma’kada nakua: Inde sia tu kadanNa PUANG: Tete dio te apa iate la miserokanni tu Aram sae lako misabu’ina nasang tu tau iato mai.

PA’PUDIAN 75:4

Moi anna tigega’ tu lino sola issinna, apa Akumo tu umpabantangi tu mai parandanganna! Sela

PA’PUDIAN 75:5

MangkaMo’ ma’kada lako to matampo kumua: Da mimatampo. Sia lako to tang mekaaluk kumua: Da miumpatarangga tandukmi!

YEREMIA 48:25

Iatu tandukna Moab dita’takkimo sia le’tomo tu takia’na, kadanNa PUANG.

DANIEL 7:16

Kupengkareke’imi tu tau iato misa’, tu bendan inde to dio, angku kutanai manassana te mintu’na apa iate; ma’kadami lako kaleku sia napokadanna’ battuananna te mintu’ apa iate.

ZAKHARIA 1:18

Ta’kala kubangunanmi tu matangku, kutiroi den tanduk a’pa.