ZAKHARIA 1:17 - Sura' Madatu

¹⁷ Pa’peissanan tarru’i, mukua: Inde sia tu kadanNa PUANGna mintu’ ma’dandan maritik, Nakua: Iatu mintu’ kotaKu la sebo pole’ tu melona, sia la Napakatanapa PUANG tu Sion sia Napilei langsa’pa tu Yerusalem.

ZAKHARIA 1:17 Referans Kwoze

YESAYA 51:3

Belanna la Napakatana PUANG tu Sion sia la Napakatana tu mai kota daun lauanna; la Napopembali susi Eden tu padang aakna sia iatu pangala’-ala’na Napasangtinti pa’lakNa PUANG; la ponno kaparannuan sia kasendean lan, sia pa’pudi-pudian sia nanian.

ZAKHARIA 2:12

Attu iato la Naala PUANG tu Yehuda la Napomana’ dao padang maindan sia iatu Yerusalem la Napilei langsa’ dukapa.

YESAYA 14:1

Belanna Nakaturu-turui PUANG tu Yakub sia la tontong Natonno’ tu Israel sia la Napatorro lan tondokna; anna iatu to salian lembang la menturu’ lako to Israel sia la mareke’ lako rapunna Yakub.

OBAJA 1:20

Iatu sangtuntunanna to Israel, tu dipali’ la umpotondok tondok to Kanaan sae lako Zarfat; na iatu to dipali’ dio mai Yerusalem, tu dio Sefarad, la umpokotai tu mintu’ kota rampe Lo’na lu.

YEHEZKIEL 36:33

Inde sia tu kadanNa Puangta PUANG Nakua: Iake Kupamaserokomi dio mai mintu’ kakadakeammi, la Kupakeissi sule tu kota sia la Kubangun sule tu inan daun-lauan.

YESAYA 66:13

Susi misa’ tau napakatana indo’na ten dukato tu Aku la umpakatanakomi, ondongpi lan Yerusalem dinii umpakatanakomi.

YESAYA 54:8

Diona kare’dekanna ara’Ku, angKu popentilindung lindoKu sattu’ dio mai kalemu, apa situang kamasokanan matontongan, angKu katuru-turuiko, kadanNa Pela’bakmu, Iamotu PUANG.

YESAYA 52:9

Unnangnga’komi sia pada sikumalasiangkomi, e mintu’ kota daun lauanna Yerusalem, belanna Napakatanamo PUANG tu taunNa sia Nala’bak tu Yerusalem.

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.

PA’PUDIAN 69:35

La napudi langi’ sola lino tu Puang, sia mintu’ tasik sola mintu’ tu angge menono’ lan.

NEHEMIA 11:20

Iatu tang dipokadannapa tu mai to Israel, to minaa na to Lewi, torro lan lu mintu’ kota Yehuda, pantan dio lu kota mana’na.

2 OSSORANNA DATU 6:6

sangadinna totemo Kupilei langsa’mo tu Yerusalem, la nanii sangangKu dio sia Kutonno’ bua kayumo tu Daud, kumua anna ia undatui taungKu, to Israel.

EFESUS 1:4

Susitu kaNatonnoranta diona Kristus, tonna tang dikombongpa tu lino, kumua anta masallo’ sia tang sayuan dio oloNa Puang.

ZAKHARIA 3:2

Apa ma’kada tu PUANG lako deata bulituk, nakua: Nagarrakko PUANG, e deata bulituk, ondongpi PUANG, tu mangka umpilei langsa’ Yerusalem, la unggarrakko. Tae’raka na iate tu misa’ lalotin disintak lan mai api?

AMOS 9:14

Sia la Kupopembali tu dalle’na Israel, taungKu: anna bangunni tau iato mai sule tu mintu’ kota sanggang, anna pa’tondokki, sia la untanan garonto’ anggoro’ anna iru’i tu uai anggoro’na, sia la unggaragai pa’lak, nanii kayu membua, anna kandei tu buanna.

YEREMIA 33:13

Lan lu mintu’ kota dao ma’buntunna sia lan mintu’ kota dio Padang Merrantena sia lan mintu’ tondok lo’ Pollo’na uai sia dio tana Benyamin sia lili’na Yerusalem sia lan mintu’ kotana Yehuda la lendu’ pole’omo tu mintu’ domba diongna lu limanna to umbilangi, kadanNa PUANG.

YEREMIA 31:13

Attu iato iatu mintu’ anak dara parannu-rannu ma’gellu’, susi dukato tu muane mangura sia to matua parannu-rannu, belanna la Kupopembali kasendean tu passanda bolongna tau iato mai, sia la Kupakatana sia Kupakarannu, ke upu’mi tu kamasussanna.

YESAYA 51:12

Aku, Akumo tu umpakatanako; ma’patumbaroko ammu kataku’ri tu tolino inang la mate, sia ma’rupa tau tu sangtinti riu dibela’i!

YESAYA 49:13

Siarrakangkomi, e langi’ sia sikumalasiangko, e lino, unnangnga’komi, e buntu, belanna PUANG umpakatanai tu mai taunNa sia ungkaturu-turui mintu’ to dipandasaNa.

NEHEMIA 11:3

Inde sia tu mintu’ pangulu propinsi, tu ma’tondok lan Yerusalem; – nalan lu kota Yehuda pada torromo tu tau iato mai dio lu mana’na, lan lu kotana, iamotu to Israel, tominaa, to Lewi, to pabali-balian lan Banua Kabusungan sia bati’na taunna Salomo.

ZAKHARIA 1:14

Ma’kadami lako kaleku tu malaeka’ kusipa’kadan nakua: Pa’peissananni, mukua: Inde sia tu kadanNa PUANGna mintu’ ma’dandan maritik, Nakua: Lendu’ tongan Kukamali’na tu Yerusalem dio Sion, angKu posara’i,

ZAKHARIA 1:18

Ta’kala kubangunanmi tu matangku, kutiroi den tanduk a’pa.

ZAKHARIA 2:4

anna ma’kada lako tu malaeka’ senga’, nakua: Ma’dondoko male muma’kada lako tu to mangura, mukua: Iatu a’ganna Yerusalem la susi misa’ kota tang dibenteng, napobua’ kabudanna tau sia patuoan lan.

YEREMIA 33:9

Attu iato kota iato la dadi misa’ sanga Kupoparannu, sia kadipudian sia kadipangkeran dio lu mintu’ bangsa lan lino, tu la urrangi kareba diona mintu’ kameloan tu Kupogau’ lako tau iato mai; la tiakka’ sia tigega’ penaanna diona mintu’ kameloan sia kasalamaran tu Kupogau’ lako tau iato mai.