ZAKHARIA 1:10 - Sura' Madatu

¹⁰ Mebalimi tu to bendan dio lu tangngana mintu’ garonto’ murdu’, nakua: Iamo te tu Nasua PUANG male ullelei tu lino.

ZAKHARIA 1:10 Referans Kwoze

ZAKHARIA 1:11

Mebalimi tu tau iato mai lako Malaeka’Na PUANG, tu bendan dio lu tangngana mintu’ garonto’ murdu’, nakua: Mangkamo kilelei tu lino, manassa iatu mintu’ lino marampa’ tongan.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

ZAKHARIA 4:10

Belanna mindara tu untapa’ allo nanii bitti’pa tu mintu’ apa? Manassa la parannu penaanna tu tau iato mai, ke natiroi tu batu petimbang lan lu limanna Zerubabel. – Iate pitu apa iate iamotu matanNa PUANG tu umpenunu mintu’ lino tiku lao.

ZAKHARIA 1:8

Iatonna bongi kutiromi den misa’ muane ussakei darang balibi, anna tadang dio lu tangngana mintu’ garonto’ murdu’ dio to’ inan madiong, sia dio boko’na den ba’tu pira-pira darang balibi, pilla’ sia busa’ dio boko’na.

AYUB 1:7

Ma’kadami tu PUANG lako deata bulituk, Nakua: Umbara tu munii sae? Mebalimi tu deata bulituk lako PUANG, nakua: Sulena’ salamba salao sia lu lako lu dio mai lan lino.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

ZAKHARIA 5:7

Denmi misa’ pesambo tumarra lotong diangka’, nainde to dio unno’ko’ tu misa’ baine lan epa.