YUNUS 4:8 - Sura' Madatu

⁸ Iatonna dellekmo allo, pakalan Napadenni Puang Matua tu misa’ angin lu dio mai rampe matallo mapannang tongan, anna nanangi allo tu ulunna Yunus, naurungan malayu tu kalena, sia napalaku, anna matemo, sia ma’kada nakua: Kula’biran mate na iatu tuo.

YUNUS 4:8 Referans Kwoze

YUNUS 4:3

Iamoto, o PUANG, alami tu sunga’ku, belanna kula’biran mate na iatu tuo.

YEHEZKIEL 19:12

Apa diona kasengkean anna dilampi’i tu garonto’ anggoro’ iato, nasongka rokko padang. Mintu’ buanna napamarangke angin dio mai rampe matallo; rondonmi anna marangke. Iatu tangke matoto’na nakande api.

PA’PUDIAN 121:6

Tae’ anna la umpatumbako allo, ke allona, ba’tu bulan, ke bonginna.

KADA OMBO’ LAKO RASULU’ YOHANES 7:16

Tau iato mai tae’mo nala tangdia’ len ba’tu ma’rang sia tae’mo nala’da’i allo ba’tu apa malassu:

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

YESAYA 49:10

Tang la mekatopo ba’tu mekama’rang, tae’ nala ussarussu’i angin padang aak sia tae’ nala ulla’da’i allo, belanna iatu tau iato mai la Nasolan To madulu’na sia la Naanta’ lako to’ mata kalimbuang.

YUNUS 1:17

Belanna panglampakNa PUANG denmo misa’ bale kapua unnampello’i tu Yunus, anna torro tu Yunus lan tambuk bale iato tallung allo tallung bongi.

YUNUS 1:4

Apa Napasae PUANG tu angin bara’ dao tasik, anna ma’pamumbuk lan tasik, naurungan iatu kappala’ sidi’mora nasabu’.

PA’TENDENG BALLO 1:6

Da mitiro-tirona’, kumua malotong-lotongna’ belanna natengona’ allo. Mintu’na anak muaneku dio indo’ makarra’ lako kaleku, anna padadina’ to ma’kampa pa’lak anggoro’ – anna pa’lak anggoro’ku kalena tae’ kukampai.

PA’PUDIAN 39:9

Rampananna’ dio mai mintu’ salaku, sia da Mipatulangdanna’ napotombonan dollok to baga.

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

1 SAMUEL 3:18

Napokadammi Samuel tu mintu’ kada iato, moi sangbuku kada tae’ nabuni len. Nakuami Eli: Iamo Ia PUANG, da’ito anNa pogau’i tu apa Nasanga melo dio pentiroNa.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

MATIUS 20:12

Iatu to undi’-undi’na tama sangdiangmora ia mengkarang, ammi papada bangkanni kami tu situ’turanna allo mara’tak sia natumbui allo.

1 DATU 19:4

Apa iatu ia, misa-misa male lako padang pangallaran, lan kalingkan sangallo, narampo unno’ko’ lako to’ garonto’ roten, anna kabariimi tu la mate sia nakua: Lendu’ masangku totemo! Alami tu sunga’ku, o PUANG, belanna iate aku tae’ angku mandu melo na iatu mai to doloku.

HOSEA 13:15

Moi anna maloboran dio lu to massiulu’, la sae duka tu angin dio mai rampe matallo, iamo tu anginNa PUANG, tu kendek dio mai padang pangallaran, naurunganni iatu kalimbuangna ma’ti sia iatu mata uainna be’ko’ tongan; narampa tu mai ianan ballo napalumpunni.

YUNUS 4:9

Ma’kadami Puang Matua lako Yunus Nakua: Sipaturokoka la sengke diona kayu pallan iate? Mebalimi nakua: Sipatuna’ sengke, sakupomatena.

KADADIAN 41:6

Pakalanto tuoomi pitung buli gandung tu mambu sia nalayu angin lu lan mai matallo.

1 DATU 21:4

Sulemi tu Ahab tama banuanna kumamu’dang sia sengke diona tu kada mangka napokada Nabot to Yizreel lako kalena, susite nakua: tae’ kula ussorongi lako kalemi tu mana’ nene’ to doloku. Umbambangammi kalena dao katindoanna, anna memboko’ bang sia manoka kumande.

AYUB 7:15

naurungan kupalosongmo tu susito la dikalessek, sia kupalosongmo tu la mate na iatu kamaparrisangku.

TOMANGADA’ 7:9

Da mumadomi’ umpatiludakki tu ara’mu, belanna iatu ara’na to baga, iamo inan saki inaa.