YUNUS 3:6 - Sura' Madatu

⁶ Iatonna rampomo tu kada iato lako datu Niniwe, mengkalaomi tu datu dao mai isungan kapayunganna, nalossokki tu pakean kadatuanna, anna ma’pakean karung, anna unno’ko’ diong to’ barra’-barra’.

YUNUS 3:6 Referans Kwoze

DANIEL 9:3

Mentingaramo’ langngan Puang Kapenomban la massambayang sia mengkamoya angku ma’puasa sia ma’karoro’ sia undudung barra’-barra’.

AYUB 2:8

Naalami tu bibang sangti’pek nakarrukki tu kalena, anna unno’ko’ lan to’ au.

LUKAS 10:13

Upu’ allomu, e Khorazim, sumpu sumandakmu, e Betsaida, belanna iakenna susinna nalan Tirus na Sidon dinii umpadenni tu tanda mangnga, mangka dipadenangkomi, manassa masaimo namangka mengkatoba’ sia unno’ko’ umpembungku’ karoro’ sia au.

MATIUS 11:21

Upu’ allomu, E Khorazim! Sumpu sumandakmu, e Betsaida! Belanna iakenna susinna nalan Tirus na Sidon nanni dadi tu mintu’na tanda mangnga mangka dadi lan lili’mi, tae’ natang masaimo ia namangka mengkatoba’ naumpembungku’ karoro’ sia au.

YEREMIA 6:26

E anak dara taungKu, ma’dodo karungko sia umpentombangko au. Ma’pote dibolongko susito kamatean anak misa’, sia mario-rioko umbating; belanna ta’pa nalaoiki’ to ma’kasanggang.

YEREMIA 13:18

Pokadanni datu sia datu baine indo’na datu, kumua: Unno’ko’komi diong inan madionganna, belanna iatu makota mala’bi’mi tobangmo dao mai ulummi.

MIKHA 1:10

Da mipokadai tu apa iato dio Gat, da duka mitumangi’ dio! Pentombanganni tu kalemi diong to’ barra’-barra’ dio Afra.

BATING 3:29

Sipatu tukku bang sae rokko to’ barra’-barra’, umbai den sia kapa’rannuanan.

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

YESAYA 15:3

Dio lu tutu lalanna lumomban tu tau iato mai ma’pote dibolong; dao lu mintu’ bubungan sia lan lu pasa’na nanii duka tau iato mai sitangiran sia umpendio’ uai matanna.

YEREMIA 36:24

Tae’ duka natiramban tu penaanna tau iato mai sia tae’ duka naserek-serekki tu pakeanna la datu la mintu’ to mase’ponna, tonna rangii tu mintu’ kada iato.

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

YEHEZKIEL 26:16

Mintu’ arung dio biring tasik la mengkalao dao mai isungan kapayunganna anna lossokan bayu lamba’na sia ullendokan pakean disulan ma’rupa-rupa oki’na; la napennammu’ tu katirambanan; tau iato mai unno’ko’ diong lu padang sia tontong ma’parondo napobua’ katike’kenan.

1 DATU 21:27

Iatonna rangimi Ahab tu mintu’ kada iate, nase’bu-se’bumi tu tamangkalena, anna potamangkale karoro’, sia ma’puasa; ondongpi umbambangan kalena mennammu’ karoro’ sia napela’-pela’ lumingka.

YEREMIA 36:13

Napokadami Mikhaya lako tau iato mai tu mintu’ kada, tu mangka narangi, tonna basai Barukh, lan mai sura’ narangii to buda.