YUNUS 2:8 - Sura' Madatu

⁸ Iatu tau umpengkaolai deata tae’ gai’na, umboko’imo Puang, tu ungkasokanni.

YUNUS 2:8 Referans Kwoze

PA’PUDIAN 31:6

Tamamo lisu pala’Mi kunii ussorong penaangku, mangkamo’ Milendokan, o PUANG, Puang Matua maruru’!

YEREMIA 2:13

Belanna napogau’mo taungKu tu da’dua penggauran kadake: Iatu Aku, kalimbuang boba, tu natampemo tau iato mai, anna paran bubun batu kalena, iamotu bubun batu rutu’, tu tang nanii sampe uai.

2 DATU 17:15

Nasayumo tu apa Napondok sia basseNa tu Natanan Puang sola nene’ to dolona, susi dukato tu mintu’ pa’pakilalaNa tu Naparampo lako tau iato mai; naturu’ bangmo tu apa tang kebattuan, naurunganni dadi tang kebattuan, sia naparundu’i tu alukna mintu’ bangsa untikui, moi anNa mangkamo mepasan tu PUANG lako tau iato mai, kumua da nama’gau’ susito.

YEREMIA 10:8

Iatu tau iato mai baga sia bebe’, belanna tae’ naangga’i tu pangadaran iato, kayu bangsia ia to.

1 SAMUEL 12:21

Da misepang unturu’ apa tang kebattuan, tu tae’ gai’na sia iatu tae’ nabelai patunduan, belanna tang kebattuan.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

PA’PUDIAN 69:14

Apa iatu aku te massambayangna’ mati’ Kalemi, o PUANG, ke attu kamasorokamMi, o Puang Matua, baliina’ pa’tunduan maruru’Mi, sitinaya kamasokanan kapuaMi.

PA’PUDIAN 142:4

Iake bonnongi tu penaangku lan, Mitandai tu lalanku. Tau iato mai untananni bunina’ poya, dio to’ lalan la kuolai.

MIKHA 1:2

Perangiimi, e mintu’ bangsa, tanannimi talinga, e lino sola mintu’ issinna, kumua Puangta PUANG la titanan sa’bi la umpasalakomi, iamotu Puang lan mai banua maindanNa.