YUNUS 1:3 - Sura' Madatu

³ Apa iatu Yunus ke’de’ la mallai lako Tarsis dio mai oloNa PUANG, anna male lako Yafo, nakabu’tui tu misa’ kappala’, tu la ke’de’ lako Tarsis; nabaya’mi tu sewana, anna kendek langngan kappala’ sola to ma’kappala’ la male lako Tarsis, la umpatoyang kalena dio mai oloNa PUANG.

YUNUS 1:3 Referans Kwoze

YOSUA 19:46

Me-Yarkon na Rakon sola lili’na tu nasitingoan Yafo.

KADADIAN 4:16

Sumoro’mi tu Kain dio mai oloNa PUANG, natorro dio padang Nod, dio matallona Eden.

PENGGAURANNA RASULU’ 9:36

Den misa’ baine unturu’ Puang dio Yope disanga Tabita, ke dipallemba’i, battuananna: Dorkas; iato baine iato lendu’ budanna gau’ melo napogau’ sia pa’kamase napa’bengan.

PENGGAURANNA RASULU’ 9:43

Torromi tu Petrus ba’tu pirang-pirang allo dio Yope dio misa’ tau disanga Simon, to mantasi balulang.

YUNUS 4:2

Massambayangmi lako PUANG nakua: O PUANG, tang mangkamoraka kupokada, tongku lanpa tondokku? Iamoto angku padoloi mallai lako Tarsis, belanna kuissan, kumua iatu Kamu Kapenomban sumpu mamase sia sa’pala buda, kalando pesuka’ sia kapua tu kamasokananNa sia umpenassanni tu diona kamandasan.

YESAYA 23:6

Lambankomi lian Tarsis, siurrukangkomi, e to ma’biring tasik!

YESAYA 23:1

Inde sia tu kada Napa’petanggungan Puang Matua diona Tirus. Siurrukangkomi e kamu kappala’ Tarsis, belanna sanggangmo tu tondokna, naurunganni tae’ bangmo banua te’dek; iate kareba narangi tonna sule dio mai tondok to Kitim.

1 DATU 19:3

Iatonna issanmi Elia tu iannato, ke’de’mi anna male umpallaian kalena, narampo lako Bersyeba, lili’na Yehuda, anna patorroi dio tu taunna.

2 TESALONIKA 1:9

Tau iato la dipakario-rio kasanggangan sae lakona, dipatoyang dio mai oloNa Puang sia dio mai kamala’biran kuasanNa,

1 KORINTUS 9:16

Belanna iake umpa’peissananna’ Kareba-kaparannuan, tae’ kusattuanni, apa iatu iannato inang passanangku; ontongpi masolangna’, ke tae’i kupa’peissananni tu Kareba-kaparannuan.

PENGGAURANNA RASULU’ 26:19

Iamo patunna to, datu Agripa, anna tae’ kupasalai penaa unturu’i tu kukitanna lao dao mai suruga,

YEHEZKIEL 27:12

Iatu to Tarsis iamo musipa’balukan, belanna iatu balukammu seba’; napasituka’ salaka, bassi, tumarra pute sia tumarra lotong tu balukammu.

YESAYA 23:10

Samboi tu padangmu susi salu Nil, e anak dara Tarsis, tae’mo panampo.

AYUB 1:12

Ma’kadami tu PUANG lako deata bulituk, Nakua: Manassa iatu mintu’ ianan napoapa lan nasang kuasammu; sangadinna da’ mue’te’ limammu umpata’pai kalena. Pakalan tassu’mi tu deata bulituk dio mai oloNa PUANG.

2 OSSORANNA DATU 2:16

La ullellengmokan kayu dao Libanon pada tu miparalluinna, angki rakisangkomi diong tasik lako Yafo; ammi baai langngan Yerusalem.

PENGGAURANNA RASULU’ 15:38

Apa nasanga Paulus tae’ namelo ke nasolanni tu to mangkamo untampei sola duai dio Pamfilia, tae’ namale sola umpogau’i tu pengkarangan iato.

LUKAS 9:62

Nakuami Yesu lako: Tae’ misa’ tu to untoe tengko, namessaile-ile, la den patunna lako ParentaNa Puang Matua.

YEHEZKIEL 3:14

Naangka’mo’ Penaa langngan, anNa solanna’ male, angku ke’de’ dossona’ napobua’ katiangkaranna penaangku, belanna mabanda’ tu limanNa PUANG untemme’na’.

YESAYA 60:9

Belanna Aku la napeagi tu to ma’biring tasik; na iatu mai kappala’ dio mai Tarsis iamo bunga’na sae umbaa mintu’ anakmu muane dio mai padang mambela; la nabaa duka tu mai salakana sia bulaanna, la umpangke’ sanganNa PUANG, Kapenombammu, To maserona Israel, belanna Napakala’bi’ko.

YESAYA 2:16

Sia urrampoi mintu’ kappala’ Tarsis sia mintu’ ianan ballo.

AYUB 2:7

Pakalan tassu’mi tu deata bulituk dio mai oloNa PUANG, anna pata’pai kele tang dampi-dampian tu Ayub randuk dio mai pala’ lentekna sae langngan botto ulunna.

1 DATU 19:9

Urrampoimi misa’ lo’ko’, anna torro ma’bongi lan. Ta’kala saemi tu kadanNa PUANG lako kalena, Nakua: Ma’aparoko indete, Elia?

KADADIAN 3:8

Nasa’dingmi tu tengkaNa PUANG Kapenomban sumalong-malong lan pa’lak tonna mangiri’ tu angin sarrang allo; umpembuniammi PUANG Kapenomban tu tolino sola duai ma’baine dio mai oloNa PUANG Kapenomban tama to’ kayu makampu-kampu lan pa’lak iato.

PENGGAURANNA RASULU’ 9:38

Belanna sikandappi’ Lida tu Yope napekarebami to unturu’ Puang kumua dio tu Petrus, nasuami tu tau da’dua lao lako mengkamoya-moya nakua: Da mimarempa lao umpellambi’ikan.

PENGGAURANNA RASULU’ 9:42

Tiseno-senomi lako mintu’ pa’tondokan dio Yope tu iannato, nabuda tau umpatongan Puang.

EZRA 3:7

Nabenmi doi’ tau iato mai tu to ma’pa’batu sia pande kayu; sia kande sia diiru’na sia minna’ naben to Sidon sia to Tirus la umbaai tu kayu arasi’ dao mai Libanon tama tasik Yafo, susitu pangeloranna Koresh, datu Persia lako tau iato mai.

PA’PUDIAN 107:23

Iatu mintu’ to umpalingka kappala’na lan tasik, sia iatu to ma’balili lan tasik kalua’.

YEREMIA 10:9

Iatu salaka dibabak dibaa dio mai Tarsis, na iatu bulaan dio mai Ufas, panggaraga to manarang sia pa’tampa pande bulaan la dikalasaranni sia iatu pakeanna lango-lango sia lango-lango makaseda; mintu’nato pengkarangan to pande.

YUNUS 1:10

Mataku’ tonganmi tu tau iato mai, anna ma’kada lako, nakua: Apara tu mipogau’? Belanna naissan tau iato mai, kumua mallai dio mai oloNa PUANG, belanna napokadammo tu apa iato.

2 OSSORANNA DATU 2:15

Iatu mintu’ gandung sola dalle sisikan, minna’ sia uai anggoro’, tu mangka napokada puangku, la napa’peammo taunna.

2 OSSORANNA DATU 9:21

Belanna den tu lembangna datu ma’palulako Tarsis sola taunna Huram, sipissan lan tallung taun natamao tu lembang dio mai Tarsis umbaa bulaan sia salaka sia gading sia seba sia merak.

YEHEZKIEL 2:8

Na iko, e ma’rupa tau, perangii tu apa Kupokadangko; da mupabali-bali susite to pabali-bali; popengangai tu sadangmu, ammu kandei tu apa Kubenko.