YUDAS 1:9 - Sura' Madatu

⁹ Apa Mikhael pangulu malaeka’, tonna site’ge’ deata bulituk ussialai batang rabukna Musa, tae’ ia nabarani ungkada layukki, sangadinna nakua bangri: Na Puangmora unnada’ko.

YUDAS 1:9 Referans Kwoze

ZAKHARIA 3:2

Apa ma’kada tu PUANG lako deata bulituk, nakua: Nagarrakko PUANG, e deata bulituk, ondongpi PUANG, tu mangka umpilei langsa’ Yerusalem, la unggarrakko. Tae’raka na iate tu misa’ lalotin disintak lan mai api?

2 PETRUS 2:11

na mintu’ ia malaeka’ moi anna mandu kapua kamatotoranna sia kuasanna tae’ anna pa’peukungan tampak ropui tu tau iato lako Puang Matua.

KADA OMBO’ LAKO RASULU’ YOHANES 12:7

Bu’tumi kasirarian dao suruga, iamotu Mikhael sola mintu’ malaeka’na urrarii naga; na iatu naga sola mintu’ baananna parari dukami;

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

PA’TOLE 34:6

Nalamunni Puang diong misa’ lombok lan tondok Moab, sitingoan Bet-Peor, sia moi misa’ tau tae’ untandai tu lamunanna sae lako allo iate.

DANIEL 10:21

apa moi susito, la kupokadangko tu apa disura’ lan Sura’ Kamanapparan. Tae’ misa’ tau batta’ untunduina’ unneai tu tau iato mai, sangadinna Mikhael, arungmi.

DANIEL 10:13

Apa naeana’ tu arungna kadatuan Persia duangpulo mmisa allona; apa tonganna iatu Mikhael, misa’i arung tarompo’ sae lako kaleku, untunduina’, kuurunganni pasau’ dio lu mintu’ datu to Persia.

1 PETRUS 3:9

da ammi papakkanni kakadakean tu kakadakean, ba’tu sere kada dipakkanni sere kada, sangadinna palakuanni karongkosan, belanna iannamorato tu ditambangkomi, kumua ammi pomana’ karongkosan.

1 TESALONIKA 4:16

Belanna Puang kalena la songlo’ dao mai suruga situru’ petamba sia gamaranna pangulu malaeka’ sia oni tarompe’ puaNa Puang Matua; na mintu’na tu to mate lanmo Kristus la malimbangun dolo;

MARKUS 15:29

Iatu to lendu’ inde to dio ullo’bo-lo’boI sia unniling-iling, nakua: Ai’! iti’ To urrondonni Banua Kabusungan natallung allori Napabendanmi suleo!

KATASSURAN 22:28

Da mugantanni tu Puang Matua sia da mutangdoi tu mai arungmu.

1 OSSORANNA DATU 12:17

Tassu’mi tu Daud male umpessitammui tau iato mai nakuami lako: Iake sae melo siakomi umpellambi’ina’ la untunduina’, manassa la misa penaaki’; apa iake la saekomi kadake la ussorongna’ lako balingku, moi tae’ kakadakean dio limangku, na Kapenombannamora nene’ to dolota untiroi sia unnukungi.