YUDAS 1:7 - Sura' Madatu

⁷ Susi Sodom na Gomora sia mintu’ tondok nasikandappiran, susi bangsiamo tau iato mai mangka ussorong kalena lako gau’ tang nakande asu anna male sigau’ sala tangia bali lalan biasanna, mendadi misa’ rapangan nakande api tang pa’de-pa’de tonna perasai kamaparrisanna.

YUDAS 1:7 Referans Kwoze

PA’TOLE 29:23

iamotu mintu’ padang la susito solo’, susi sia, na susi padang mampu’, naurungan tae’ nadiambo’i sia tae’ apa-apa tuo diong mai sia tae’ nakembura, susi tonna kasangganganna tondok Sodom na Gomora, Adma na Zeboim, tu Nasanggang PUANG diona kasengkeanNa sia kare’dekan ara’Na –

2 PETRUS 2:6

sia iake Napopennaumi tu tondok Sodom na Gomora sia Naukung naurungan mangsan, Nanii umpadenanni sangka’ tu mintu’ to umpalolang tang mekaaluk kalena,

KADADIAN 18:20

Ma’kadami tu Puang Matua nakua: Tu belanna kapuamo tu sarro diong mai Sodom na Gomora sia belanna kakadakeanna tau iato mai lendu’ tonganmo,

LUKAS 17:29

Apa tonna memboko’mo Lot lan mai Sodom, saemi dao mai langi’ tu uran api sia solo’ ummangsanni tu tau sola nasang.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

YEREMIA 50:40

Susitu Sodom sola Gomora sola mintu’ lili’na mangka Naro’pok Kapenomban, kadanNa PUANG, susi dukamoto moi misa’ tau tae’mo la torro dio sia moi misa’ ma’rupa tau tae’mo la mempue dio.

KADADIAN 13:13

Iatu mintu’ pa’tondokan lan Sodom kadakemo gau’na’ sia ma’liu alukmo dio oloNa PUANG.

1 KORINTUS 6:9

Tae’raka miissanni kumua iatu to kelok penaanna tae’ naumpomana’ ParentaNa Puang Matua? Da mipusa. Iatu to ma’gau’ sala sia umpenombai deata, sia to paola boko’ sia muane diposangmatua sia to umposangmatua muane,

YESAYA 1:9

Iakenna tang untampeangki’ banne PUANGna mintu’ ma’dandan maritik, manassa sangtintimiki’ Sodom, sia baliki’ Gomora.

AMOS 4:11

Kubaliangammokomi susi Puang Matua umbaliangan Sodom na Gomora, ammi susi to lalotin disintak lan mai to’ api. Moi susito, tae’ duka mimengkatoba’ lako Kaleku, kadanNa PUANG.

KADADIAN 19:5

Metambami lako Lot nakua: Umbamira tu to sae tama banuammi te bongi? Solanni sun, angki pogau’ pa’poraiangki lako kalena.

2 PETRUS 3:7

Apa iate langi’ sola lino te denna totemo, susi ianan dianna rara’, diparandanan api, tete dio duka kada iato sae lako allo kadiukungan sia kasangganganna mintu’ to battuk.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

YESAYA 13:19

Na iatu Babel tu napotarompo’ mintu’ kadatuan sia kamala’biran nasattuan mintu’ to Kasdim la susi Sodom na Gomora, tonna palumbangi Puang Matua.

MATIUS 11:24

Apa Kukua mati’; iake allo kadiparessan la maringngan ia parri’na tana Sodom anna parri’mu.

YEREMIA 20:16

Elo’namo tu tau iato nasusi tu mai kota Nabaliangammo PUANG, natang umpenassanni; melo ke melambi’ narangi tu sarro sia ongngo’ kasirarian ke ma’tangngai allo.

BATING 4:6

Belanna iatu kakadakeanna anak dara bangsaku mandu kapua anna kasalanna Sodom, tu dibaliangan lan sangkappidian mata, moi misa’ tau tae’ ungkasara’i.

YESAYA 33:14

Tirambanmo tu mintu’ to umparri-parri kasalan dio Sion; narampoimo katigegaran tu mintu’ to tang mekaaluk anna ma’kada nakua: Mindariki’ tu ma’din unno’ko’ sikandappi’ kamapannangan masae lako?

1 DATU 22:46

Iatu tang dipokadannapa tu mintu’ tuna’na Yosafat sia iatu penggauran lalongna tu mangka napogau’ sia mintu’ tu rari napogau’, tang tisura’moraka lan sura’ ossoranna mintu’ datu to Yehuda?

MATIUS 10:15

Tonganna Kukua mati’ kumua, iake allo kadiparessan la maringngan ia tu parri’na tondok Sodom na Gomora anna parri’na kota iato.

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

2 PETRUS 2:2

Sia buda tau la unturu’i tu to tang penggauran napogau’; iamora tu tau iato napobannang anna sayui tau tu lalan pangadaran tongan.