YUDAS 1:16 - Sura' Madatu

¹⁶ Tau iamorato mai tu pa’nuku-nukuan sia suma’rok sia unturu’ bang kamoraianna, ma’kada matampo, anna ussede tau belanna untiroan misa kalena.

YUDAS 1:16 Referans Kwoze

2 PETRUS 2:18

Belanna umpokada matampo kada tang kebattuan, anna daai pa’poraian pa’kalean sia tang penggauran tu to mane tilendok dio mai to unnolai lalan pusa.

2 PETRUS 2:10

ondong polepi tu to umpalolang kalena unturu’ kamoraian pa’kalean lan kamailuan masarepa, sia tang umbilang mintu’ kapaan. Barani sia umpattuan penaanna sia tang magiang ullangdo mintu’ tu mai disanganna mala’bi’,

FILIPI 2:14

Pogau’mi tu mintu’na, da mipaturu’i ma’nuku-nuku, sia kasite’geran,

1 PETRUS 4:2

dikua anna lan mintu’ angge tuomipa, da mituru’ mintu’ kamailuan a’gan tolino, sangadinna pa’poraianNa Puang Matua.

1 TIMOTIUS 6:5

iamo kasisakkan napabu’tu tu to tang ma’runduanan tangnga’na sia disabakkimo tu kamanapparan, tu ussangai kumua iatu kamengkaolan misa’ tangnga’ la dinii mesaro.

1 KORINTUS 10:10

Sia da mima’nuku-nuku susitu tau iato pira ma’nuku-nuku, anna mangsanni kalamau’.

YUDAS 1:18

susitu mangkamokomi napokadan, kumua iake attu undinna la sae ba’tu pira-pira to patelle tu unturu’ kamailuan masuangna.

2 PETRUS 3:3

Ma’iringanna la mikilalai te iannate, kumua iake ma’katampakanna attu la sae ba’tu pira-pira to patelle sibaa petellena, tu umpalolang kalena unturu’ kamailuanna,

1 PETRUS 2:11

E pa’kaboro’ku, kupakilalakomi susito mentiruran sia to lumio’ lan te lino, la mitoyangan tu kalemi dio mai mintu’na kamailuan pa’kalean tu sirari deatammi;

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

SURA’ KATOMINAAN 19:15

Da mibimbang ma’paolai salu; da mikaturu-turui to baitti’ ba’tu umpelindo to kapua, sangadinna la musanda tonganni tu kara-karana padammu ma’rupa tau.

YUDAS 1:15

la umpaolai salunna lako mintu’na tau, sia la unnukung mintu’ to tang mekaaluk diona mintu’ penggauran tang mekaalukna, tu mangka napogau’ tang mekaaluk, sia diona mintu’ kada makarra’ nasa’bu’ to kasalan tang mekaaluk unnea Puang.

1 PETRUS 1:14

Susikomi pia’-pia’ mengkaola sia da ammi parundu’i tu sangka’ menturu’ lako kamailuan dolo, susi tommi lanpa kabagammi,

GALATIA 5:16

Apa inde sia tu kadangku: La Narendenkomi Penaa lan torro ke’de’mi, manassa tae’ mitarru’i tu pa’poraian pa’kalean.

YOHANES 6:61

Apa Naissan Kalenamo Yesu, kumua sipa’nuku-nukuan tu to unturu’I diona te ianna te, Nakuami ungkuanni: Mipomatana’raka te iannate?

YESAYA 29:24

Attu iato iatu to pusa penaanna la paissan sia mintu’ to ma’paropo’ la untarima pangadaran.

PA’PUDIAN 17:10

Tu tang natamai kada tu penaa titutu’na, sia umpasun kada matampo.

KADIBILANGAN 16:11

Iamoto, iatu iko sola tu to massituru’ sipakulu-kulukomi umbali PUANG. Belanna mindara tu Harun, ammi paropo’ri?

2 TIMOTIUS 4:3

Belanna undinna la sae tu attu nanii tau tang untananni tu pangadaran tongan; belanna kamakattikanna talinganna anna rampunni lako kalena tu mai guru situru’ lalan pa’poraianna,

1 TESALONIKA 4:5

tang unturu’ kamoraian pa’kalean, susi gau’na to kapere’ tu tang untandai Puang Matua;

GALATIA 5:24

Apa iatu mintu’ taunNa Kristus Yesu mangkamo naa’ta’ tu pa’kalean sola kamoraianna sia kamailuanna.

YOHANES 6:41

Sipa’nuku-nukuammi tu to Yahudi lako, belanna Nakua: Akumote tu roti lu dao mai suruga.

LUKAS 19:7

Sipa’nuku-nukuammi tu mintu’ to untiroi tu iannato, nakua: Naloo Ia lempang lako to’ banuanna to kadake gau’na.

LUKAS 15:2

Sipa’nuku-nukuammi tu mintu’ pandita Sura’ sia to Farisi, nakua: Na iate Tau te untarima to kadake gau’na, sia kumande sola.

LUKAS 5:30

Iatu to Farisi sia pandita Sura’ situmberu’-beru’, nakua lako anak gurunNa: Ma’apari ammi kumandera sia mangiru’ sola passima sia to kadake gau’na?

SARAMBU PEADA’ 28:21

Iatu umpelindo tau, tae’ namelo; moi anna kande sangsuakan, napobannang duka tau sala.

PA’PUDIAN 106:25

Sangadinna ma’nuku-nuku sola nasangi lan lu tendana, sia noka umperangii gamaranNa PUANG.

AYUB 34:19

tu tang umpelindo arung, sia tang umpalosongan to mala’bi’ anna to bitti’, belanna mintu’nato panggaraganNa nasang?

AYUB 32:21

Moi misa’ tau tae’ kupelindoi, sia moi misa’ tau tae’ kutendengi,

PA’TOLE 1:27

Ma’paropo’komi lan tendami sia ma’kada kumua: Belanna Nakabiri’ki’ PUANG, iamoto Nasolangki’ lan mai tondok Mesir anNa sorongki’ tama kuasanna to Amori sia Nasanggangki’.

KADIBILANGAN 14:36

Iatu muane tu mangka nasua Musa la umparessa buni tondok, sia iatonna sulemo, iami napobannang tu mintu’ kasirampunan ma’paropo’ lako Musa, belanna umpalele kareba kadake diona tu tondok iato.

KADIBILANGAN 16:41

Iatonna masiangnato ma’paropo’mi tu mintu’ kasirampunanna to Israel lako Musa sola Harun, nakua: Mipateimo tu taunNa PUANG.

PA’PUDIAN 73:8

Tau iato mai ma’telle-telle sia malla’ penaanna umpokada pa’pakario-rio; sia madongnga’ ma’kada.