YOSUA 9:9 - Sura' Madatu

⁹ Mebalimi tu tau iato nakua: Iate taummi sae dio mai tondok tarru’ mambela belanna sanganNa PUANG, Kapenombammi, belanna kirangimo tu karebanNa, iamotu mintu’ Napogau’na dio Mesir,

YOSUA 9:9 Referans Kwoze

YOSUA 9:24

Mebalimi lako Yosua, nakua: Belanna dipamanassa tonganmo lako kaleki tu apa Napasan PUANG, Kapenombammi, lako Musa, taunNa, kumua Nakamaseimokomi mintu’ tondok sia Nasabu’i tu mintu’ to umpa’tondokki dio tingayomi, iamoto angki mataku’ tongan lako kalemi tu diona katuoangki; iamo napobannang to angki pogau’i te iannate.

PA’TOLE 20:15

Susimoto la mugauran mintu’ kota, tu mandu toyang dio mai inanmu, tu tang naala bilangan kotana te mai bangsa iate.

YESAYA 66:19

La Kupaden misa’ tanda dio lu tau iato mai sia mintu’ tu to tilendokmo la Kusua lako mintu’ bangsa – iamotu lako Tarsis, Pul sia Lud, to ma’pana, lako Tubal sia Yawan, sia lako mintu’ randan tasik mambela, tu tae’ lenpa narangi karebangKu sia tae’pa natiro kamala’birangKu –, anna tau iato mai umpatale’i tu kamala’birangKu dio lu mintu’ bangsa.

YESAYA 55:5

Misa’ bangsa tang mutandai la mutambai sia iatu bangsa tang untandaiko la sae lako kalemu belanna pa’poraianNa PUANG, Kapenombammu, sia belanna pa’poraianNa To maserona to Israel, saba’ Napakala’bi’ko.

PA’PUDIAN 148:13

La napudi massola nasang tu sanganNa PUANG, belanna sanganNa mannari ia tu patongloan liu, sia kamala’biranNa ussamboi lino na langi’.

PA’PUDIAN 83:18

Da’ito anna kasirisan tu tau iato mai sia tiramban tontong sae lakona, sia da’ito anna maila’ sia anna sanggang.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

1 DATU 8:41

Ia duka tu to sae, tu tangia taumMi to Israel, ke saei dio mai tondok mambela belanna sangamMi,

KADIBILANGAN 14:15

Iake la Mipateimi te bangsa iate sae lako tappunna, manassa la ma’kada tu mintu’ bangsa urrangimi tu karebamMi, nakua:

KATASSURAN 15:14

Napelelemi tu mai bangsa, anna sipa’parondoan; narampoimi kapa’pagegean tu pa’tondokan Filistin.

KATASSURAN 9:16

Apa tonganna iamo bannangna te angKu karimmanniko, kumua angKu patiroangko tu kamatotorangKu; anna sangangKu dipakalelean lan mintu’ lino.

PENGGAURANNA RASULU’ 8:7

Belanna budamo tu tau nataba deata masussuk, nanii sun nasang tu mintu’ deata masussuk sia melalla-lalla umpemandui gamaranna; sia buda tu to kupi’ sia to sondo’ napamalolo.

KADIBILANGAN 20:14

Mangkato nasuami Musa tu sumbungan puduk dio mai Kadesh lako datu Edom, umparampoi kumua: Inde sia tu kadanna siulu’mi Israel, kumua: Mitandai tu mintu’ kamasussan urrampoikan,

YOSUA 9:10

sia iatu mintu’ apa mangka Napogau’ lako da’dua datu Amori rampe lianna Yordan, iamotu Sihon, datu Hesbon sia Og, datu Basan, tu dio Astarot.

YOSUA 9:16

Apa iatonna lendu’mo tallung allo mangkanna sibasse, narangimi kumua iatu tau iato sikandappi’ bangsia, ondongpi lan tangnga lili’na.

YOSUA 9:17

Belanna iatu to Israel ke’de’, anna rampo lako kotana tonna allo ma’pentallun; iatu kotana tau iato mai iamotu Gibeon Kefira, Beerot na Kiryat-Yearim.

PA’TOLE 20:11

Iake napebalii meloko sia nabungkarangko babangan, manassa iatu mintu’ pa’tondokan, tu torro lan, la ma’diama lompo dio kalemu sia la umpengkarangangko.

PA’PUDIAN 78:12

Dio tingayona nene’ to dolona Nanii Puang umpogau’ ba’tu pira-pira tanda kalle-kallean dio tana Mesir, dio padang Zoan.