YOSUA 9:4 - Sura' Madatu

⁴ ma’tangnga’ dukami tu tau iato; ke’de’mi male umbaa kinallo, naban karung masere tu keledainna sia kiriba’ masere tu nanii anggoro’, tu kake sia ditampi’,

YOSUA 9:4 Referans Kwoze

LUKAS 16:8

Napudi-pudimi puangna tinde to ma’kampa banua tang malolo, apa manarang umpasilolonganni tu iannato; ondong ia manarangna tu mintu’ to umbudanan katuoan lan lino lako solana na iatu to umpengkaolai kamaseroan.

MARKUS 2:22

Sia tae’ ia tau misa’ duka umpatama uai anggoro’ ba’ru tama kiriba’ malusa, belanna inang la napopema’tu anggoro’ ba’ru tu kiriba’ anna tibollo tu uai anggoro’ sia sanggang tu kiriba’. Sangadinna iatu uai anggoro’ ba’ru sipatu ia dipatama kiriba’ ba’ru.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

MATIUS 9:17

Sia tae’ duka tau umpatama uai anggoro’ ba’ru tama kiriba’ malusa. Belanna iake susito inang la tesse tu kiriba’ natibollo tu uai anggoro’ sia sanggang duka tu kiriba’, sangadinna iatu uai anggoro’ ba’ru sipatu dipatama kiriba’ ba’ru, anna pada-pada manda’.

PA’PUDIAN 119:83

Moi susimo’ to bila ditapai, apa tae’ duka sia angku kalupai tu mintu’ apa Mipondok.

KADADIAN 34:13

Nabalimi anakna Yakub tu Sikhem sola Hemor, ambe’na, napakena, belanna nagau’ salamo tu Dina, siulu’na.

YOSUA 9:3

Apa iatonna rangimi to Gibeon tu apa mangka napogau’ Yosua lako Yerikho sia Ai,

YOSUA 9:5

sia sepatu masere tu ditampi’mo dio lentekna sia ma’pakean malusa, sia mintu’ roti napokinallo marangkemo sia manisak.

YOSUA 9:13

Iate kiriba’ tongki patamai uai anggoro’ ba’ru bangpa, apa tiromi kakemo, na iate pakeangki sia sepatungki burukmo, belanna kalingkan lendu’ mambelanna.

YOSUA 9:12

Inde sia tu rotingki; malassupa tongki mane unnalai lan mai banuangki la kipokinallo, to allo kinii ke’de’ sae lako kalemi, na totemo tiromi: marangkemo sia manisak nasangmo.