YOSUA 8:4 - Sura' Madatu

⁴ anna mepasan, nakua: Manassa la miodo’ tu kota ammi laoi dio mai boko’, da mitarru’ mambela dio mai kota sia la sakka’ nasangkomi.

YOSUA 8:4 Referans Kwoze

TO PARENGNGE’ 20:29

Ta’kala napatikuimi to Israel ba’tu pira-pira to mangamu’ tu Gibea.

PENGGAURANNA RASULU’ 23:21

Apa da mimorai nanaran-naran tu tau iato la umparundu’i tu lalan penaanna, belanna la’bi patangpulo tu tau unnaunganni sia ussumpa kalena tae’ nala kumande sia mangiru’, ke tae’ pi napatei tu Paulus; totemoto marea bangmo umpeagii tu kamipalaloanna.

TOMANGADA’ 9:16

Ma’kadamo’ kukua: La’biran ia tu kakinaan na ia tu kamabukuan, apa iatu kakinaanna to bongko nasayu liu tau sia tae’ duka naperangii tu kadanna.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.

1 SAMUEL 15:5

Iatonna rampomo tu Saul lako tondok Amalek, napadiongmi lombok tu ba’tu pira-pira to mangaung.

1 SAMUEL 15:2

Nakua kadanNa PUANGna mintu’ ma’dandan maritik: La Kupabala’i tu mintu’ apa napogau’ Amalek lako to Israel, belanna tae’ natangga’i lendu’ dio lalan, tonna lu diong mai Mesir.

TO PARENGNGE’ 20:36

Natiromi to Benyamin kumua natalomo to Israel. Iatonna sorong boko’mo tu to Israel dio mai tingayona to Benyamin – belanna narannuan tau iato mai tu to mangamu’ tu napadio Gibea la ullaoi, –

TO PARENGNGE’ 20:33

Iamoto ke’de’mi dio mai inanna tu mintu’ to Israel, anna ma’pampangan dio Baal-Tamar, tonna marassan tu to Israel mangamu’ ke’de’ dio mai inanna, dio mai rante sikandappi’ Geba,

TO PARENGNGE’ 9:25

Iatu to Sikhem umpadaomo botto buntu ba’tu pira-pira to mangamu’ la unnea Abimelekh, sia narampa tu apanna minda-minda ullendu’i lalan iato. Naparampomi tau tu iannato lako Abimelekh.

YOSUA 8:16

Iamoto ditambaimi tu mintu’ tau lanpa kota, anna pada unnula’i tu tau iato; iatonna marassan unnula’i tu Yosua, dipasisarakmi kota.

YOSUA 8:3

Ke’de’mi tu Yosua sola mintu’ surodadu anna male lako Ai. Napileimi Yosua tallungpulo sa’bunna tu surodadu lalong, nasuai tonna mabongi,

2 DATU 7:12

Millikmi tu datu tonna bongi, nama’kada lako mintu’ to mase’ponna, nakua: La kupokadangkomi, apa mora nagaurangki’ to Aram. Naissan bangmo kumua karoriammoki’, iamoto anna tassu’ lan mai to’ inanna, namale membuni dio lu padang, nakua: Ianna tassu’mo tu tau iato mai lan mai kota, ma’dinmo tatingkan tuo, anta mane tama kota.

2 OSSORANNA DATU 13:13

Nasuami Yerobeam tu ba’tu pira-pira surodadunna ullaoi dio mai boko’, naurungan ta’pa bu’tu dio boko’na tu to palaoan, anna (iatu surodadu senga’) bendan dio tingayona to Yehuda, na iatu to palaoan dio mai boko’ diomo boko’na.

TO PARENGNGE’ 9:32

Iamoto la ke’de’ bongikomi, la kamu la iatu mai surodadu misolan, mimangamu’ dio lu padang.