YOSUA 7:6 - Sura' Madatu

⁶ Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.

YOSUA 7:6 Referans Kwoze

KADADIAN 37:29

Iatonna sulemo tu Ruben lako to’ bubun, natiroi, a’a ta’demo tu Yusuf diong bubun, naserek-serekmi tu pakeanna.

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

2 SAMUEL 13:31

Ke’de’mi tu datu anna serek-serekki tu pakeanna, anna male mamma’ rokko padang, namintu’ tu taunna bendan serek-serek pakeanna.

KADIBILANGAN 14:6

Apa iatu Yosua, anakna Nun, sia Kaleb, anakna Yefune, sangbilangan tu to umparessa buni tondok iato, usserek-serek tamangkalena;

KADA OMBO’ LAKO RASULU’ YOHANES 18:19

Nasamborammi tau iato mai tu barra’-barra’ langngan ulunna sia melallak anna tumangi’ sia umbating nakua: A’a, a’a tondok kapua, nanii to unnampui kappala’ lan tasik, napasugi’mo mintu’ iananna; sangte’te’ri nanii sanggang!

PENGGAURANNA RASULU’ 14:14

Apa iatonna rangii tinde rasulu’ sola duai tu iannato, iamotu Barnabas sola Paulus, usse’bu-se’bumi sambu’na sia male ma’dondo-dondo tama to’ to buda sia metamba-tamba.

AYUB 2:12

Iatonna mambelapa nabangunammi tu matanna, tae’mi natandai tu Ayub. Ma’urrukammi umpekapuai gamaranna, anna kake-kakei tu bayu lamba’na, anna ambo’i barra’-barra’ tu ulunna nasumarombon langngan langi’.

AYUB 1:20

Attu iato ke’de’mi tu Ayub, na kake-kakei tu bayu lamba’na sia naku’ku’i tu ulunna, nalumbang rokko padang, tukku menomba, anna ma’kada nakua:

ESTER 4:1

Iatonna issanmi Mordekhai tu mintu’ apa dadi, naserek-serekmi tu pakeanna anna mellullung karung sia au, anna male tama tangnga kota, na sumarro sia unnurruk-urruk tumangi’.

2 SAMUEL 12:16

Mengkamoyami tu Daud lako Puang Matua tu diona pia iato sia ma’puasa sia mamma’ diong padang situ’turan bongi.

2 SAMUEL 1:12

Umbatingmi sola nasang sia tumangi’ sia ma’puasa sae lako bonginna diona Saul sia Yonatan, anakna, sia diona mintu’ taunNa PUANG sia mintu’ to Israel, belanna tibambang tu tau iato mai nakande pa’dang.

1 SAMUEL 4:12

Lussu’mi misa’ to Benyamin dio mai pa’telangan kasirarian anna rampo lako Silo allo ia dukato, titepu-tepu bangmo tu tamangkalena sia barra’-barra’ daomo ulunna.

TO PARENGNGE’ 21:2

Saemi tu bangsa iato lako Betel, anna torro dio oloNa Puang Matua sae lako makaroenna, anna tumangi’ umpekapuai gamaranna, nakua:

TO PARENGNGE’ 20:26

Mangkato malemi tu mintu’ to Israel, iamotu mintu’ bangsa, anna rampo lako Betel; torromi inde to dio anna tumangi’ dio oloNa PUANG, nama’puasa allo iato sae lako makaroenna sia umpemalaran pemala’ ditunu pu’pu’ sia pemala’ kasalamaran dio oloNa PUANG.

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

KADIBILANGAN 16:45

Soro’komi dio mai te kasirampunan, belanna la Kusanggangi lan sangkappidian mata. Attu iato lumbangmi rokko padang sola duai.

KADIBILANGAN 16:22

Attu iato lumbangmi sola dua rokko padang, anna ma’kada nakua: O Puang Matua, Kapenombanna sunga’na mintu’ batang kale; iake misa’ri muane kasalan, la re’dekraka ara’Mi lako mintu’ kasirampunan?

YOSUA 7:7

Ma’kadami Yosua nakua: O Puangki PUANG, ma’apai Misuai te bangsa iate ullambanni Yordan. Mikuaraka kidisorong tama limanna to Amori, kiurunganni sanggang? A’a, melo kengki popa’ga’taran bangmi torro sambalinna lu Yordan!

2 SAMUEL 1:11

Attu iato natoemi Daud tu pakeanna, naserek-serekki; susi dukato tu mintu’ tau nasolan.

2 DATU 22:11

Iatonna rangimi datu tu mintu’ kada lan mai sura’ Sukaran aluk, naserek-serekmi tu tamangkalena.

2 OSSORANNA DATU 34:19

Iatonna rangimi datu tu mintu’ kada Sukaran aluk, naserek-serekmi tu tamangkalena.

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

TO PARENGNGE’ 11:35

Iatonna tiromi Yefta tu anakna, naserekmi tu pakeanna, nametamba nakua: A’a anakku, mupatunduk tonganna’ sia ikomora tu umpamandasana’, belanna mangkamo’ umpatassu’ kada lako PUANG, sia tae’mo kuma’din urriu’ sulei.

2 SAMUEL 1:2

Iatonna allo ma’pentallun ta’kala saemi misa’ tau dio mai to’ surodadu nasolan Saul, serek-serekmo tu pakeanna sia ponno barra’-barra’ dao ulunna; tonna rampomo lako Daud, menombami tukku sae rokko padang.

2 SAMUEL 13:19

Napalangannimi barra’-barra’ Tamar tu ullunna sia naserek-serek tu bayu maa’na tu napake, anna pa’lullungi tu limanna, anna marassan sia male marassan sia unnurruk-urruk tumangi’.

EZRA 10:1

Iatonna marassan tu Ezra massambayang sia unnaku kasalanna sia tumangi’ tukku dio tingayo banuanNa Puang Matua, sirampunmi tu tau buda tongan dio mai to Israel lako kalena, iamotu muane, baine sia pia, belanna iatu to buda randukmo siurrukan.

NEHEMIA 9:1

Iatonna allo ma’penduangpulona nna’pa’ bulan iato saemi sirampun tu mintu’ to Israel nama’puasa sia ma’pote dibolong sia nanii barra’-barra’ tu ulunna.

ESTER 4:3

Lan lu mintu’ propinsi tu nanii rampo parenta sia atoranna datu, den passanda bolongan kapua, pa’puasa, tangi’ sia sarro dio lu to Yahudi, iamotu buda tau mamma’ umpennampa’ au.