YOSUA 7:2 - Sura' Madatu

² Nasuami Yosua tu ba’tu pira-pira tau dio mai Yerikho lako Ai, tu sikandappi’ Bet-Awen, rampe matallona Betel, sia ma’kada lako, nakua: Malekomi usserre’i tu tondok iato. Malemi tu tau iato usserre’i Ai.

YOSUA 7:2 Referans Kwoze

YOSUA 18:12

Iatu angge lili’na daanna lu randuk dio mai Yordan namane ma’palulangngan umpatu buntu ma’borong daanna lu Yerikho, sia tarru’ ma’palulangngan buntu rampe matampu’, na iatu tampakna lan padang pangallaran Bet-Awen.

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

1 SAMUEL 14:23

Susimoto tu to Israel Narampanan PUANG allo iato. Tarru’ bang tu kasirarian iato sae lako nalendu’i tu Bet-Awen.

1 SAMUEL 13:5

Iatu mintu’ to Filistin sirampunmo la sirari to Israel; iatu kareta pararinna den tallungsa’bu anna iatu pakkanarangna annan sa’bunna na iatu lumingkanna susito karangan dio biring tasik. Ke’de’mi tu tau iato mai sola nasang, anna pabendan tendana dio Mikhmas rampe matallona Bet-Awen.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

SARAMBU PEADA’ 24:6

Belanna sipatuko la parari situang pa’timbangan, sia iatu kapataloan napaden kabudanna to ma’bisara.

SARAMBU PEADA’ 20:18

Mintu’ tanan penaa dipalalo tete dio pa’timbangan, iamoto timbang melomi mumane lao parari.

KADADIAN 12:8

Tilelemi inde to dio mai lako ma’buntunna rampe matallona Betel, naosokmi tu tendana, na iatu Betel dio rampe matampu’na, na iatu Ai, dio rampe matallona; nagaragami inde to dio tu misa’ inan pemalaran lako PUANG, anna menomba ussa’bu’ sanganNa PUANG.

EFESUS 5:15

Iamoto kainga’i meloi, umba la mipakuanni tu kalemi, da misusi to tang keinaa, sangadinna la susikomi to keinaa;

NEHEMIA 11:31

Iatu to Benyamin torro dio inan: randuk dio mai Geba dio Mikhmas, Aya, Betel sola lili’na,

YOSUA 12:9

Datu Yerikho: misa’; datu Ai, tu sitingoan Betel: misa’;

YOSUA 2:1

Nasua bunimi Yosua, anakna Nun, dio mai Sitim tu da’dua to ma’serre’i, nakua: Malekomi untiroi tu padang iato sia iatu Yerikho. Malemi tu tau iato, anna tama banuanna misa’ baine kadake gau’, disanga Rahab, nama’bongi dio.

KADADIAN 28:19

Nasangaimi Betel tu inan iato, apa iatu sanga dolona tondok iato, disanga Lus.

YOSUA 7:3

Sulemi tu tau iato lako Yosua anna ma’kada lako, nakua: Da namale nasang te mintu’ tau lako, sangadinna agi-agi bangmo duangsa’bu ba’tu tallungsa’bu tau male untalo Ai; da nadita’ka’i tu mintu’ tau male lumingka lako, belanna iatu to dio sidi’ri.

1 SAMUEL 30:27

Iamotu lako mintu’ pekaamberan dio Betel sia dio Ramot, dio lu padang rampe lu sau’, sia dio Yatir;

YEREMIA 49:3

Unnurrukko, e Hesbon, belanna sanggangmoko sia daun lauammoko; tumangi’komi, e anak dara Raba; ma’potedibolongkomi, sia umbatingkomi, sia sumayokomi lan alla’na rinding tembo’ pa’lak, belanna la dipali’ tu Milkom sola mintu’ to minaanna sia arungna.

1 DATU 12:29

Misa’ napabendan dio Betel na iatu misa’ napadio Dan.

YESAYA 10:28

Saemi lako Ayat, anna tarru’ lako Migron, anna tampei tu mai apanna di Mikhmas.