YOSUA 6:3 - Sura' Madatu

³ Inang la mililingi tu kota iato; iatu mintu’ surodadu pissanri la ullilingi tu kota iato; la mupogau’ susito lan annan allona.

YOSUA 6:3 Referans Kwoze

2 KORINTUS 4:7

Apa iate apa mala’bi’ iato den dio kaleki lan misa’ pa’pannian litak, anna manassa tu kalosongan kuasanna kumua lu dio mai Puang Matua, tangngia lu dio mai kaleki.

KADIBILANGAN 14:9

Sangadinna da mipabali-bali lako PUANG sia da mikataku’i tu pa’tondokan iato, belanna la tapokande, sia iatu ongan-onganna lendu’mo dio mai kalena sia PUANG tu ussisolangki’, da ammi kataku’i.

YOSUA 6:7

Sia ma’kada tu Yosua lako to buda, nakua: Ke’de’komi mimale ullilingi kota na to ma’pa’buno la lumingka dio tingayo pattinNa PUANG.

YOSUA 6:14

Susito malemi tu tau iato mai tonna allo ma’penduan ullilingi kota pissan, nasule lako to’ tenda. Susimo napogau’ to lan annan allona.

YOSUA 6:2

Ma’kadami tu PUANG lako Yosua, Nakua: Manassa la Kusorong tama limammu tu Yerikho sola datunna sia mintu’ pa’barani lalongna.

YOSUA 6:4

La pitu to minaa untangke pitu napiri tanduk domba sia lumingka dio tingayo patti. Apa ianna allo ma’pempitu la pempitukomi ullilingi tu kota, namukkun tu mintu’ to minaa umpannoni napiri tanduk domba.

YOSUA 6:11

Malemi dibaa tu pattinNa PUANG ullilingi kota, pissan male lumiling. Namane sule tu tau iato mai lako to’ tenda, anna ma’bongi inde to dio.

2 OSSORANNA DATU 4:3

Dio randan diongna lu dipatikui rapang-rapang sapi, untikui mintu’i, sangpulo siku, ullilingi tu anggenna tasik iato, dipaduang borong, tu sangpati’noranri.