YOSUA 6:2 - Sura' Madatu

² Ma’kadami tu PUANG lako Yosua, Nakua: Manassa la Kusorong tama limammu tu Yerikho sola datunna sia mintu’ pa’barani lalongna.

YOSUA 6:2 Referans Kwoze

PA’TOLE 7:24

Iatu mai datunna la Nasorong tama kuasammu, muurungan umpa’dei tu sanganna lan mai nasambo langi’. Moi misa’ tau tang naatta unneako sae lako musanggangi nasang.

YOSUA 8:1

Ta’kala ma’kadami tu PUANG lako Yosua, Nakua: Da mumataku’ sia da mutiramban! Solanni tu mintu’ surodadu, ammu ke’de’ ullaoi Ai. Manassa la Kusorong tama limammu tu datu Ai, sia mintu’ taunna sia kotana sia tondokna.

YOSUA 2:24

Ma’kadami lako Yosua, nakua: Tonganna Nasorongmo PUANG te mintu’ tondok iate tama limanta, belanna ma’parondomo tu mintu’ to lan tondok iato ungkataku’ki’.

YOSUA 2:9

anna ma’kada lako nakua: Kuissanmo kumua iate tondok iate Nasorongmo PUANG lako kalemi sia iatu kadikatakurammi narampoimokanni sia mintu’ tau lan tondok ma’parondomo ungkataku’komi.

NEHEMIA 9:24

Rampomi tu anakna tau iato mai anna alai tu tondok iato napomana’ sia Mipopengkanorongmo tu pa’tondokanna, iamotu to Kanaan dio tingayona tau iato mai, amMi sorongi tama limanna la datunna la mintu’ bangsa lan tondok iato, anna pogau’i lako tau iato mai tu lalan penaanna.

DANIEL 4:17

Iate parenta iate napamatu’tunmo mintu’ to ma’kampa na iatu iannate nalampakmo to masero, anna tandai mintu’ to tuo, kumua Puang Patodoranna ungkuasai tu kadatuan tolino sia Nakamasei minda-minda tu Naporai, ondongpi ma’din natokko tu to tarru’ madiongan dio lu tolino lan kadatuan iato.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

2 SAMUEL 5:19

Mekutanami Daud lako PUANG, nakua: La sirarira’ka tu to Filistin? La Misorongraka tama limangku? Ma’kadami tu PUANG lako Daud, Nakua: Ke’de’moko, belanna manassa la Kusorong tu to Filistin tama limammu.

TO PARENGNGE’ 11:24

Tae’raka mipomana’i tu apa nabenkomi Kamos, deatammi, la mipomana’? Susi dukato la kipomana’ tu mintu’ tondok tu Narambai PUANG, Kapenombangki, tu to umpa’tondokki dio mai tingayoki?

TO PARENGNGE’ 11:21

Apa nasorong PUANG, Kapenombanna to Israel, tu Sihon sola mintu’ surodadunna tama limanna to Israel, anna taloi tu tau iato mai. Attu iato naalami to Israel napomana’ tu mintu’ tondok to Amori, tu umpa’tondokki te lili’ padang iate.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

YOSUA 6:1

Iatu babangan Yerikho disalli’; manda’ tongan disalli’ belanna to Israel; moi misa’ tau tae’ nama’din tassu’ sia tama.

YOSUA 6:3

Inang la mililingi tu kota iato; iatu mintu’ surodadu pissanri la ullilingi tu kota iato; la mupogau’ susito lan annan allona.

YOSUA 12:9

Datu Yerikho: misa’; datu Ai, tu sitingoan Betel: misa’;

YOSUA 20:1

Ma’kadami tu PUANG lako Yosua, Nakua: