YOSUA 4:19 - Sura' Madatu

¹⁹ Iatu bangsa iato kendek diong mai Yordan tonna allo ma’pessangpulo bulan bunga’na, anna ma’tenda dio Gilgal rampe matallo lili’na Yerikho.

YOSUA 4:19 Referans Kwoze

YOSUA 5:9

Ma’kadami tu PUANG lako Yosua, Nakua: Allo iate Kulendokammo dio mai kalemi tu kanabellerammi to Mesir. Iamoto nasangai tau Gilgal tu inan iato sae lako allo iate.

MIKHA 6:5

E taungKu, kilalai tu apa natangnga’-tangnga’ Balak, datu Moab, sia iatu apa napebalian Bileam, anakna Beor, lako, sia apa dadi randuk dio mai Sitim sae lako Gilgal, kumua mukanassai tu katongananNa PUANG.

AMOS 5:5

Apa da midaka’ Betel, sia da mimale lako Gilgal, sia da mike’de lako Bersyeba. Belanna iatu Gilgal inang la male dipali’ sia iatu Betel la diputtai.

AMOS 4:4

Malekomi lako Betel, ammi pogau’ kadake, sia lako Gilgal –, ammi pamakamban kadakena! Pennoloanni tu pemala’mi, ke makale’ sia pa’taa sangpulomi, ke allo ma’pentallun.

1 SAMUEL 15:33

Nakuami Samuel: Susitu pa’dangmu umpasisayuran anak ba’tu pira-pira baine, susi dukamoto tu indo’mu la dipasisayuran anak dio lu mintu’na baine. Napateimi Samuel tu Agag, nata’tak-ta’takki dio oloNa PUANG dio Gilgal.

YOSUA 15:7

Inde to dio mai iatu anggenna ma’palulangngan Debir, tassu’ diong mai lombok Akhor, namane tibalik dio mai lu lako Gilgal, tu sitingoan lombok dao tanetena Adumim, lo’na lu salu’-salu’. Na iatu anggenna tarru’ lako to’ uainna En-Semes na iatu tampakna dio En-Rogel.

YOSUA 10:43

Mangkato sulemi tu Yosua sia mintu’ to Israel nasolan lako to’ tenda dio Gilgal.

YOSUA 10:6

Pakalan mesuami to Gibeon lako Yosua dio to’ tenda dio Gilgal, nakua: Da misa’biangangkan te kami taummi, sangadinna la rampokomi madomi’ ullendokangkan sia untunduikan, belanna iatu mintu’ datu to Amori tu torro dao lu buntu, sirampunmo la ullaoikan.

PA’TOLE 1:3

Lan taun ma’patangpulo tonna bulan ma’pessangpulo misa lan allo bunga’na bulan iato, ma’kadami tu Musa lako to Israel susi tu mintu’ Napepasanan PUANG lako kalena diona tau iato mai,

PA’TOLE 11:30

Tang dioraka sambalinna lu Yordan dio rampe matampu’na batatta, lan tondok to Kanaan, tu ma’tondok dio padang Araba-Yordan, sitingoan Gilgal sikandappi’ kayu tarpin dio More?

YOSUA 4:18

Iatonna kendekmo diong mai tangnga Yordan tu mintu’ to minaa umbulle patti basseNa PUANG sia iatonna mane tiangka’ tu lette’na diong mai ullese karangkeanna, pakalan sulemi tu uai Yordan lako inanna sia lolong susito dolona unturu’ mintu’ biringna.

YOSUA 5:10

Iatonna ma’tenda tu to Israel dio Gilgal, napakarayami tu Pa’pasa tonna allo ma’pessangpulo a’pa’ bulan iato makaroen lan padang Yerikho.

2 DATU 2:1

Den pissan, tonna la unnangka’mi PUANG tu Elia langngan suruga naputu’ talimpuru’, malemi tu Elia sola Elisa dio mai Gilgal.

YOSUA 9:6

Malemi tu tau iato lako Yosua, lako to’ tenda dio Gilgal, anna ma’kada lako kalena sia lako mintu’ muane to Israel, nakua: Kami te lu diokanni mai tondok mambela: totemo la sibasseki’.

YOSUA 24:11

Mangkato ullambanmokomi Yordan; iatommi rampomo lako Yerikho, sirarimokomi to Yerikho, iamotu to Amori, to Feris, to Kanaan, to Het, to Girgasi, to Hewi na to Yebus, apa Kusorong nasang tu tau iato tama limammi.

1 SAMUEL 10:8

La doloko rokko Gilgal, sia manassa la malena’ rokko umpessitammuiko, la umpemalaran pemala’ ditunu pu’pu’ sia untunu pemala’ kasalamaran. Ammu kampaina’ diong pitung allo sae lako rampoku umpokadangko tu apa sipatu la mupogau’.