YOSUA 4:18 - Sura' Madatu

¹⁸ Iatonna kendekmo diong mai tangnga Yordan tu mintu’ to minaa umbulle patti basseNa PUANG sia iatonna mane tiangka’ tu lette’na diong mai ullese karangkeanna, pakalan sulemi tu uai Yordan lako inanna sia lolong susito dolona unturu’ mintu’ biringna.

YOSUA 4:18 Referans Kwoze

YOSUA 3:15

Iatonna rampomo tu to umbulle patti lako Yordan sia iatonna mellesemo tu lette’na mintu’ to minaa umbullei tu patti rokko uai – iatu Yordan saba’mo lako biringna lan mintu’ allo pegandungan –,

YESAYA 8:8

La tarru’ lu tama Yehuda anna tu’ba’i sia nalempa’i, naurungan ullambi’i tu barokona, anna samboi pani’na tu mintu’ padangmi, e Imanuel!

1 OSSORANNA DATU 12:15

Tau iamoto mai tu ullambanni Yordan, tonna bulan pamulanna, tonna sapu randanan uainna sia iamotu unnula’i pa’tondokan diong lombok lu lako matallo sia matampu’.

YOSUA 3:13

Iake mellesemi lan to’ uai Yordan tu pala’ lette’na mintu’ to minaa tu umbulle patti PUANG, Iamo Puangna mintu’ ma’dandan maritik dao kuli’na padang, tipa’duami tu uai Yordan; na iatu uai lolong daa mai ulunna la tadang butung to misa’ panampo.

YOSUA 4:17

Nasuami Yosua tu mai to minaa, nakua: Kendekkomi diong mai Yordan.

YOSUA 4:19

Iatu bangsa iato kendek diong mai Yordan tonna allo ma’pessangpulo bulan bunga’na, anna ma’tenda dio Gilgal rampe matallo lili’na Yerikho.

YOSUA 4:11

Iatonna tappumo tu bangsa iato lamban, lamban dukami tu pattinNa PUANG sola mintu’ to minaa dio pentirona tu bangsa iato.