YOSUA 24:7 - Sura' Madatu

⁷ Iamoto metambami tu tau iato mai lako PUANG, anNa padenni Puang tu kamalillinan lan alla’mi na to Mesir, Napatu’ba’i uai tasik, anna kabu’i tu tau iato. Matammi kalenamo untiroi tu apa Kupogau’ lako Mesir. Mangkato torromokomi masai dio padang pangallaran.

YOSUA 24:7 Referans Kwoze

PA’TOLE 4:34

Ba’tu denmoraka misa’ deata untobai sae la unnalan kalena misa’ bangsa dio mai tangngana bangsa senga’, tete dio kadipandasan, tete dio tanda kalle-kallean sia tanda mangnga sia kasirarian, tete dio lima mawatang sia takia’ tie’te’ sia tete dio penggauran ma’patiramban, susitu Napogau’mo PUANG Kapenombammi, te mintu’na te lan Mesir belanna kamu dio pentiromu.

KATASSURAN 14:20

Saemi lan alla’na surodadu to Mesir anna baanan to Israel; iatu gaun iato malillin dio sangbalinna, unnarrang bongi dio sangbalinna, naurunganni iatu surodadu tae’ nasireke’ situ’turan bongi iato.

KATASSURAN 14:10

Iatonna reke’mi Firaun, nabangunammi to Israel tu matanna, natiroi tu to Mesir, undi dio mai boko’na. Lendu’mi mataku’na tu tau iato mai, anna meongli’ langngan PUANG,

KATASSURAN 14:31

Attu iato natiro to Israel tu penggauran matoto’ Napogau’ PUANG lako mintu’ to Mesir; anna kataku’i tau iato mai tu PUANG sia napatongan tu PUANG sia iatu Musa, taunNa.

YOSUA 5:6

Belanna patangpulo taunna tu to Israel ullingkai padang pangallaran, sae lako tappunna mate tu bangsa iato, iamotu mai pararinna, tu tassu’ lan mai Mesir, tu tang umperangii kadanNa PUANG; lako tau iato mai mangkamo umpalao sumpa tu PUANG, kumua tae’ Nala umpakitanni tu padang, tu mangka Naallu’ lako nene’ to dolona Napalaoi sumpa, kumua la Nakamaseangki’, iamotu misa’ padang nanii sebo pangandu’ sia tani’ enoan.

PA’TOLE 29:2

Natambaimi Musa tu mintu’ to Israel sirampun lako kalena, nama’kada lako nakua: Mangkamo mitiro tu mintu’ apa Napogau’ PUANG lan tondok Mesir lako Firaun, sia mintu’ taunna sia mintu’ tondokna dio pentiromi,

PA’TOLE 1:46

Iamoto mitorro masai dio Kadesh; ba’tu sangapa-apa allona minii torro dio.

IBRANI 3:17

Mindara tu mangka Nasengkei lan patangpulo taunna? Tangiaraka tu mai to mangka umpogau’ kasalan naurungan siapanan tu batang rabukna dio padang pangallaran iato?

PA’TOLE 2:14

Iatu attu tanii ma’lingka dio mai Kadesh-Barnea sae lako ullambanni salu’-salu’ Zered, den tallungpulo ngkarua taunna – sae lako pura mate mintu’ te bati’ iate, iamotu mintu’ surodadu dio to’ tenda, susitu PUANG mangka umpalao sumpa lako kalena.